မုန်းတီးခြင်း၏သားကောင် ၅

ထိုင်းနိုင်ငံထဲမှာ မြန်မာနိုင်ငံသားတွေ ၀င်ရောက်လုပ်ကိုင်ပုံနဲ့ပတ်သက်ပြီး တော်တော်များများရေးပြီးခဲ့ပါပြီ။ မပြည့်စုံသေးပေမယ်လို့ ပုံဖေါ်မှန်းဆနိုင်ကြပါလိမ့်မယ်။ နည်းလမ်းအမျိုးမျိုးနဲ့လာခဲ့ရတဲ့ မြန်မာနိုင်ငံသား အလုပ်သမား တွေအပေါ်မှာ ထိုင်းတွေဘယ်လိုသဘောထားသလဲဆိုတာ ဆက်ပြီးတင်ပြသွားပါမယ်။ ထိုင်းအစိုးရအဆက်ဆက်က မြန်မာနိုင်ငံသားအလုပ်သမားတွေကို အကောင်းမြင်ဝါဒရေးရာနဲ့ ပြောဆိုဆက်ဆံခဲ့ခြင်းဆိုတာ မရှိခဲ့ဘူးလို့ထင်ပါ တယ်။ အပြစ်တင်အဆိုးမြင်ဝါဒတွေနဲ့တော့ အစိုးရအဆက်ဆက်က ပြောဆိုဆက်ဆံခဲ့ပါတယ်။ တရားမ၀င်ခိုးဝင်လာ တဲ့ မြန်မာနိုင်ငံသားတွေကြောင့် ထိုင်းနိုင်ငံမှာ ရောဂါဘယတွေပျံ့ပွါးစေတယ်၊ ထိုင်းတွေရဲ့အလုပ်ကိုလုတယ်၊ မူးယစ် ဆေးဝါးတွေကို ဖြန့်ဖြူးတယ်၊ ဒုစရိုက်မှုခင်းတွေဖြစ်တယ်၊ နိုင်ငံတော်လုံခြုံရေးကိုထိခိုက်တယ်၊ နိုင်ငံမဲ့ကလေးတွေမွေး ဖွါးပေါများတယ်၊ အစရှိသဖြင့် ရေးပြလို့မကုန်နိုင်အောင် စွပ်စွဲချက်တွေများပြားလှပါတယ်။

အမှန်တကယ်ဆန်းစစ်ကြည့်မယ်ဆိုရင် မြန်မာတွေကြောင့်၊ မြန်မာကိုအမှီပြုပြီး ထိုင်းတွေကြီးပွါးလာတယ်လို့ တောင်ပြောနိုင်ပါသေးတယ်။ ထိုင်းနဲ့မြန်မာအလုပ်သမားကိစ္စမှာ ထိုင်းတွေဟာ ခြင်နဲ့ပုံစံတူပါတယ်၊ ခြင်တွေဟာ လူ့ သွေးကိုလည်းစုပ်သေးတယ်၊ နား နားမှာလည်း သူဟာအင်မတန်မှ အနစ်နာခံပြီး သွေးစုပ်ရခြင်းဖြစ်ကြောင်းလည်း အော်နေသေးတယ်။ ထိုင်းလည်းအဲဒီလိုပဲ၊ သူတို့လည်းအသာစီးရသေးတယ်၊ မြန်မာအလုပ်သမားတွေကိုလည်း မရှိမ ဖြစ်လိုအပ်နေသေးတယ်၊ ဒါတောင်မှ ကျေးဇူးမတင်တဲ့အပြင် အပြန်အလှန်မှီခိုမှုလို့တောင် အသိအမှတ်မပြုချင်ကြပါ ဘူး။ တကယ်လို့ မြန်မာအလုပ်သမားတွေသာ ကိုယ့်အိမ်ကိုယ်ပြန်သွားကြရင် ထိုင်းတွေအတွက် နိုင်ငံနဲ့ချီပြီး ထိခိုက် ဆုံးရှူံးမှုတွေဖြစ်ကိုဖြစ်ရမယ်လို့ ကျွန်တော်ပြောရဲပါတယ်။

ဘာကြောင့်လဲဆိုတော့ မြန်မာနိုင်ငံသားတွေလုပ်ပေးနေတဲ့တန်ဖိုးတွေဟာ ထိုင်းဂျီဒီပီရဲ့ ၅-၆.၂% (သို့) ဒေါ်လာသန်းပေါင်း တစ်သောင်းတစ်ထောင်အထိရှိတယ်လို့ ပညာရှင်တွေတွက်ချက်ထားတာရှိပါတယ်။ မြန်မာအလုပ် သမားတွေရဲ့ လုပ်အားခတွေဟာ တစ်နှစ်မှာ ဒေါ်လာသန်းနှစ်ထောင်လောက်ရှိပြီး အဲဒီအထဲက အနည်းဆုံး ၅၀%ဟာ ထိုင်းထဲမှာပဲ အသုံးစားရိတ်တွေဖြစ်နေပါတယ်။ ကဲ.. စဉ်းစားသာကြည့်ပေတော့ ၊ မြန်မာအလုပ်သမားတွေရဲ့တန်ဖိုး ဘယ်လောက်ရှိနေလဲ၊ ဘယ်သူတွေကရနေလဲဆိုတာ။ တန်ဖိုးမသိတဲ့နွားတွေကြောင့် ကိုယ့်တန်ဖိုးတွေ သူများအသုံး ချခံနေရတာဖြစ်ပါတယ်။ ဒါတောင်မှ အကောင်းပြောဖေါ်မရပါဘူး။

ထိုင်းတွေစွပ်စွဲနေတဲ့ အချက်တွေကို ကျွန်တော့်လိုဘာမှမဟုတ်တဲ့ သာမန်အတွေးလေးနဲ့ပဲ ပြန်ချေပပါမယ်။ မြန်မာတွေကြောင့် ဆင်ခြေထောက်၊တီဘီ၊ငှက်ဖျားတွေ ပျံ့ပွါးတယ်လို့ သူတို့ကပြောပါတယ်။ အဲဒီရောဂါတွေဟာ ဆင်းရဲသားရောဂါလို့တောင် ပြောလို့ရပါတယ်၊ဘာကြောင့်လဲဆိုတော့ လူနေမှုအဆင့်အတန်းရှိနေရင် အဲဒီရောဂါတွေ မဖြစ်နိုင်ပါဘူး။ ဒါကြောင့်ဒီရောဂါတွေဟာ ထိုင်းကိုကူးစက်တာအလွန်နည်းပြီး မြန်မာအချင်းချင်းတွေမှာပဲ ကူးစက်နေ ပါတယ်။ ဒါကလည်း ခိုင်းရရင်ပြီးရော မင်းတို့ဘယ်လိုနေနေဆိုတဲ့ လစ်လျူရှု တာဝန်မယူတတ်တဲ့ ထိုင်းတွေကြောင့် မြန်မာအလုပ်သမားတွေ လူနေမှုနိမ့်ကျပြီး အခန်းကျဉ်းလေးထဲမှာ ဖြစ်သလိုနေရလို့ ဒီလိုဖြစ်ရတာပါ။ ကောင်းကောင်း နေရ၊ စားရတဲ့အလုပ်သမားတွေမှာ ဒီလိုမဖြစ်ပါဘူး။ အဲ သူ့နိုင်ငံကနေ မြန်မာအလုပ်သမား အေ့ဒ်စ်ရောဂါတွေကူးစက် ခံရတာကျတော့ သူတို့ဘာသံမှမထွက်ပါဘူး။ ဘယ်သူကပိုနစ်နာပါသလဲ…

မူးယစ်ဆေးဝါးနဲ့ပတ်သက်လို့ကတော့ ရာဇ၀င်နဲ့ချီပြီးတောင်ပြောလို့ရပါတယ်။ ဗိုလ်မှူးချုပ်ကျော်ဇောရဲ့ အတ္ထုပ္ပတ္တိထဲမှာ ထိုင်းစစ်ဗိုလ်ချုပ်တွေနဲ့ တရုတ်ဖြူတွေဘိန်းကုန်ကူးတာရေးထားပါတယ်။ နောက်ပြီး ကမ္ဘာအရပ်ရပ် ကို မူးယစ်ဆေးဝါးဖြန့်ဖို့အတွက် အပြည်ပြည်ဆိုင်ရာလေဆိပ်၊ သင်္ဘောဆိပ်တွေ ဘယ်နိုင်ငံမှာရှိလဲဆိုတာ ကလေး တွေးတွေးလို့တောင်ရပါတယ်။ မူးယစ်ဆေးထုတ်ဖို့နည်းပညာ၊ ဓါတုပစ္စည်းကုန်ကြမ်းတွေ မြန်မာနိုင်ငံမှာလည်းမရှိပါ ဘူး၊ ဘယ်ကလာပါသလဲ။ ခွန်ဆာသေတုန်းက အပတ်စဉ်ထုတ် မတိချွန်(သို့)နေရှင်း သတင်းမဂ္ဂဇင်းထဲမှာ ဗိုလ်မှူး ရွက်ဆစ်နဲ့ အင်တာဗျူးလုပ်ထားတာ ဖတ်လိုက်ရပါတယ်။ အကုန်လုံးမမှတ်မိပေမယ့် မှတ်မိနေတာကတော့ ခွန်ဆာဟာ ထိုင်းက အကောင်ကြီးအမြီးရှည်တွေနဲ့ အဆက်အသွယ်ရှိပြီးရင်းနှီးပါတယ်။ ခွန်ဆာအလင်းဝင်ဖို့ ထိုင်းကို ကမ်းလှမ်းခဲ့ပေမယ့် ထိုင်းကလက်မခံတာကြောင့် မြန်မာဘက်ကို မသွားချင်ပဲသွားခဲ့ရတဲ့အကြောင်း၊ ဒီလိုဖြစ်ရတာ ထိုင်းမှာတာဝန်ရှိကြောင်း ဗိုလ်မှူးရွက်ဆစ်ကပြောခဲ့ပါတယ်။ ကဲ မူးယစ်ဆေးနဲ့ပတ်သက်ရင် ဘယ်သူက ဘယ်သူ့ကို အပြစ်တင်သင့်ပါသလဲ.. ၀ိုင်းစဉ်းစားပေးကြပါဦး။

ထိုင်းတွေရဲ့အလုပ်တွေကို မြန်မာအလုပ်သမားတွေက လာလုတယ်ဆိုတာကတော့ မြန်မာတွေလုပ်နေရတဲ့ အလုပ်ဟာ သရီးဒီလို့ခေါ်တဲ့ ညစ်ပတ်၊ခက်ခဲ၊အန္တရာယ်ရှိတဲ့ ထိုင်းမလုပ်ချင်တဲ့အလုပ်တွေပါ။ မြန်မာတွေဟာ ဈေးဆိုင် လေးဖွင့်ရောင်းခွင့်တောင်မရှိပါဘူး။ သိပ်ပြီးရှင်းနေစရာတောင်မလိုပါ။ ဒုစရိုက်အမှုလို့ဆိုရာမှာလည်း မြန်မာတွေကျူး လွန်တာနဲ့စာရင် မြန်မာတွေကပဲ နေ့စဉ်နဲ့အမျှကျူးလွန်ခံနေရပါတယ်။ ဒါလည်းသိပ်ပြောနေစရာမလိုပါဘူး၊ အထင် အရှားပါပဲ။ နို်င်ငံမဲ့ကလေးတွေလို့ မြန်မာအလုပ်သမားတွေရဲ့ သားသမီးတွေကို ခေါ်ဝေါ်သုံးစွဲနေတာကလည်း စော်ကားရာရောက်ပါတယ်။ ဘယ်သူမှ သူ့နိုင်ငံထဲမှာတသက်လုံးမနေပါဘူး။ အခုလာနေတယ်ဆိုတာ သူတို့ကိုယ် တိုင်ကိုက လက်ခံထားလို့ပါ၊ ဒါရှင်းနေတာပါပဲ။ အိမ်ရှင်လက်မခံပဲနဲ့ ဘယ်ဧည့်သည်မှနေလို့မရပါဘူး။ ထိုင်းမြန်မာ နယ်စပ်ဟာ မိုင်ပေါင်းထောင်ချီပြီး ရှည်လျားထိစပ်နေလို့ မြန်မာတွေခိုးဝင်တာကို မတားဆီးနိုင်ပါဘူးလို့ ရဲမှူးတွေက အသံကောင်းဟစ်နေပါတယ်။

နယ်စပ်ကနေဘယ်လိုပဲ ခိုးဝင်ဝင် နောက်ဆုံးကားလမ်းတွေကိုပဲအသုံးပြုရတာပါ။ မိန်းလမ်းတွေမှာ ဒူးနှံ့ပြီး စောင့်နေရုံပါပဲ။ နောက်ပြီးလက်ခံအလုပ်ပေးမယ့်သူမရှိရင် ဘယ်သူမှဝင်လာလို့မရပါဘူး၊ ဒီမှာနေရတာရေကအစ ၀ယ်သောက်ရတာပါ။ ရွာမှာလို လမ်းဘေးရေအိုးစင်မှာသောက်၊ အလှူအိမ်မှာလိုက်စား၊ ဇရပ်မှာအိပ်လုပ်လို့မရပါဘူး။ သူတို့ကလက်ခံနေလို့သာ ၀င်လာလို့ရကြတာပါ။ လမ်းခရီးမှာခေါ်လာတဲ့သူတွေကရော ဘယ်သူတွေလဲ၊ ယူနီဖေါင်း ၀တ်တွေမပါပဲနဲ့ ဘယ်သူမှခေါ်သွားခေါ်လာလုပ်လို့ရတာမဟုတ်ပါဘူး။

အမှန်တကယ်တော့ ကျွန်တော်တို့တတွေဟာ ကိုယ့်အိမ်ကိုယ့်ယာရှိလျက်နဲ့ သူများအဆဲခံပြီးမှီခိုနေရတဲ့ဘ၀ တွေဖြစ်နေရတယ်။ မြန်မာလို့ပြောလိုက်တာနဲ့ အထင်သေးနှိမ်ချနေကြတာကို ခံနေရပါတယ်။ ထိုင်းမှာမှမဟုတ်ပါဘူး၊ တခြားနိုင်ငံတွေမှာ ဘယ်လိုပုံစံနဲ့ပဲအလုပ်လုပ်နေရပစေ ဒီလိုပဲအနှိမ်ခံကြရမယ်လို့ ကျွန်တော်ထင်ပါတယ်။ ဒီလိုဘ၀ တွေကလွတ်မြောက်အောင်ဘာတွေ ဘယ်လိုလုပ်သင့်သလဲဆိုတာ အမြန်ဆုံးဆုံးဖြတ်လုပ်ကိုင်သင့်ကြပြီလို့ ယူဆပါ တယ်။ ရဖို့နဲ့ ၀ဖို့လောက်ပဲလုပ်နေကြတယ်ဆိုရင် ကျွန်တော်တို့လည်း န.အ.ဖ နဲ့ ထူးမခြားနားသာ ဖြစ်နေမယ်လို့ ထင်ပါကြောင်း ပြောလိုပါတယ်။ အခုလိုမြန်မာအလုပ်သမားတွေရဲ့ အဖြစ်အပျက်များကို တင်ပြရာမှာ ကျွန်တော့်ရဲ့ စာအရေးအသား ညံ့မှုကြောင့် အကြောင်းအရာတွေ ပေါ်လွင်သင့်သလောက်မပေါ်လွင်ခဲ့ပါဘူး။ ဘာပဲဖြစ်ဖြစ် လုပ်စရာ လမ်းစလေးတွေ တွေ့မြင်မိလာမယ်ဆိုရင် ကြိုးစားရေးရကျိုးနပ်ပါပြီ။ ထင်မြင်ယူဆချက်တွေကို ကွန်မန့်၊စီဘောက်မှာ ချန်ထားခဲ့ပေးကြပါခင်ဗျား။ မင်္ဂလာပါ….