ကိုမောင်မြတို့ရပ်ကွက်ထဲမှာ အစည်းအဝေးလုပ်ပါတယ်
ရပ်ကွက်လူကြီး။ ။ အခုဆိုရင် မုန်တိုင်းဒဏ်ထိခဲ့တဲ့ ကွမ်းခြံကုန်းမြို့နယ်မှာ ရေသန့်စက်ရုံကြီး တွေဆောက်လုပ်ခဲ့ပြီး ပြည်သူတွေအတွက် စားနပ်ရိက္ခာတွေ အလုံအလောက်ဝေငှနေပါတယ်။ ဆေးရုံကြီးတစ်ရုံကိုလည်း အသစ်ဆောက်လုပ်ထားပြီး ကုသမှုတွေပြုလုပ်ပေးနေပါတယ်။
ကိုမောင်မြ။ ။ ဒီနေ့မနက်ပဲ ကျွန်တော်ကိုယ်တိုင် ဆန်တွေသွားလှူခဲ့ပါသေးတယ်။ လူကြီးပြောသလိုမဟုတ်ပါဘူး။ ဘာစက်ရုံ၊ ဆေးရုံမှမတွေ့ခဲ့ပါဘူး။
လူကြီးက မျက်စောင်းတချက်ထိုးပြီးဆက်ပြောသည်။
ရပ်ကွက်လူကြီး။ ။ လပွတ္တာမြို့နဲ့ဘိုကလေးမြို့တွေမှာဆိုရင်လည်း နိုင်ငံတော်က ဆေးရုံကြီးတွေ ဆောက် ကားလမ်းတွေဖေါက်ပြီး ကျေးရွာအနှံ့ စားနပ်ရိက္ခာ၊ဆေးဝါးတွေ ဖြန့်ဝေပေး၊ဆေးကုသပေးနေ ပါတယ်။ သွပ်မိုးအိမ်တွေနဲ့ အစားထိုးဆောက်လုပ်ပြီး နေရာပြန်လည်ချထားရေးကို အကောင်ထည်ဖေါ် ဆောင်ရွက်လျက်ရှိပါတယ်။
ကိုမောင်မြ။ ။ မနေ့ညနေကပဲ အဲဒီဒေသတွေကနေ ကျွန်တော်ပြန်ရောက်ခဲ့ပါတယ်။ လူကြီးပြောတဲ့ ကားလမ်းဖေါက်ဖို့အသာထား လူသေအလောင်းတွေတောင် မရှင်းလင်းရသေးပါဘူး
ရပ်ကွက်လူကြီး။ ။ ကိုမောင်မြ ခင်ဗျားအားနေရင် ခရီးတွေပဲ ခဏခဏထွက်မနေပါနဲ့ မြန်မာ့အလင်းတို့ကြေးမုံတို့ကိုလည်းဖတ်၊ မြန်မာ့ရုပ်မြင်သံကြားကိုလည်းကြည့်ပါဗျ။ သိပ်ခက်တဲ့သူတွေပဲ။
(မောင်ကောင်းထိုက်စာအုပ်မှမှီငြမ်းခြင်းပါခင်ဗျာ)
0 comments:
Post a Comment