အပျင်းပြေ ပါးပါးလေး

မောင်ကျည်ပွေ့တစ်ယောက်လည်း ပျင်းတာရော၊ အလုပ်ရှုပ်တာရော ကိုယ့်ကိုယ်ကို အကြောင်းပြပြီး စာမရေး ဖြစ်တာ တော်တော်ကြာသွားပါပြီ။ စာမရေးဖြစ်ပေမယ့် ဘလော့တကာလည်ပြီး စာတွေတော့ဖတ်ဖြစ်ပါတယ်။ အဲဒီလိုစာတွေလိုက်ဖတ်တဲ့အခါ ရသမျိုးစုံတွေခံစားရပါတယ်။ အထူးသဖြင့် ကုသိုလ်ရှင်ဘလော်ဂါတွေရဲ့ ကိုယ်တိုင်ကိုယ်ကျ လုပ်အား၊ ငွေအား ဒါနတွေအမျိုးမျိုးကို တွေ့ရတဲ့အခါမှာ ကြည်နူးမှုတွေဖြစ်ပြီး သာဓု အကြိမ်ကြိမ်ခေါ်မိပါတယ်။ ထို့အတူပဲ စစ်တပ်နဲ့နောက်လိုက်တွေရဲ့ အောက်တန်းကျတဲ့လုပ်ရပ်တွေကို တွေ့ မြင်ရတော့ အကုသိုလ်များပြီး ဒေါသအခါခါဖြစ်လို့ စိတ်ဆင်းရဲမိပါတယ်။ ဒီထက်ဆိုးတာက စစ်ခေါင်းချောင်တွေရဲ့ အယုတ်တမာလုပ်ရပ်တွေကို အကြောင်းအမျိုးမျိုးပြ ဖုံးကွယ်ပြီး ဖေါ်လံဖါးနေတဲ့စာတွေ ကို အဆက်မပြတ်ရေးပြီး ငါတကော ကော နေတဲ့ ရုရှားရောက် စစ်ခွေးလေးတွေရဲ့လုပ်ရပ်တွေကို အင်မတန် အော့နှလုံးနာ စက်ဆုပ်မိပါတယ်။

အရင်တုန်းကဆို သူတို့ဘလော့တွေမှာပဲ ရေးနေရာကနေ ခုတော့ စီဘောက်တွေမှာတစ်မျိုး ကွန်မန့်တွေမှာ တစ်ဖုံ နဲ့အမျိုးမျိုးခလောက်ဆန်နေပါတော့တယ်။ ရေးလိုက်ကြတဲ့အရေးသားတွေကလဲ အနှစ်သာရတခုမှ မပါတဲ့အပြင် သတ်ပုံတွေကအစ လွဲနေပါသေးတယ်။ အရည်အချင်းတွေပြနေလိုက်ကြတာ စာသင်စားရိတ် ပေးနေရတဲ့ပြည်သူတွေကိုမှ အားမနာနိုင်ဖြစ်နေကြတယ်။ အချက်အလက်တွေကလဲ ခိုင်လုံသလားမမေးနဲ့ မြန်မာ့အတင်းနဲ့ ချီးမှုံ အတင်းစာ အိမ်သာသုံးစက္ကူကဟာတွေ လာကိုးကားပြနေသေးတယ်။ ဒီကြားထဲ ဓမ္မစေတီဆရာတော်ကိုပါ ဆွဲလာပြပါတယ်။ ဒါကိုကြည့်ကတည်းက အဲဒီဆရာတော်ရဲ့ တရားတွေမနာဖူးတာ သေချာနေပြီ (သြော် မေ့သွားတယ် မကောင်းဆိုးဝါးနဲ့တရားဓမ္မ တည့်မှမတည့်တာ ပြောမိတာမှားပါတယ်)

တချို့ဘလော်ဂါတွေလည်း ခါတိုင်းရေးနေကျစာတွေမရေးနိုင်ပဲ အလုပ်ရှုပ်ခံပြီး ခွေးရိုက်စာတွေရေးနေရတယ်။ ကလူသစ်တို့လိုပေါ့၊ သီရိလင်္ကာက ရဟန်းတပါးလဲပါသေးတယ်။ ခွေးလေးတွေကတော့ ဘာမှ ဟုတ်တိပတ်တိ ပြန်မပြောနိုင်ကြပဲ ဝေ့လည်လည်ရှောင်ပြေးသွားတော့ ဒါလားကွ ယောက်ျား၊ ဒါလားကွ စစ်သားလို့ သူတို့စကားအတိုင်းမေးလိုက်ချင်ပါတော့တယ် (စစ်ဖိနပ်နဲ့တော့ဖြတ်မကန်ပါနဲ့ အနော်ကကြောက် တတ်တယ် အဟိ) လောကကြီးမှာ လူရယ်လို့ဖြစ်လာရင် ရှိရမယ့်၊ ရ ကို ရ ရမယ့် အခွင့်အရေး အချက်ပေါင်း (၃၀) အပြည်ပြည်ဆိုင်ရာလူ့အခွင့်အရေး ကြေငြာစာတမ်းဆိုပြီး ကုလသမဂ္ဂ က ပြဌါန်းပြီး အဖွဲ့ဝင်နိုင်ငံတိုင်း က လက်မှတ်ရေးထိုးထုတ်ပြန်ထားတာရှိပါတယ်။ အဲဒီအချက်တွေဟာလည်း မြတ်စွာဘုရားရှင် ဟောကြား တော်မူခဲ့တဲ့ မေတ္တာသုတ်ကို ဘာသာပြန်လိုက်ရင် ကွက်တိပဲလို့ ဓမ္မစေတီဆရာတော် က မန္တလေးမှာ ထေရ၀ါဒဟင်းလေးအိုးကြီးတရားဟောစဉ်အခါ ထည့်သွင်းဟောကြားခဲ့ပါတယ်။

ကဲ ရွှေမြန်မာပြည်သူများ အဲဒီအချက် (၃၀) မှာ ဘယ်နှချက်နဲ့ကိုက်ညီလဲလို့ သုံးသပ်ဝေဖန်ကြည့်ရအောင် ဖေါ်ပြပေးလိုက်ပါတယ်။ မောင်ကျည်ပွေ့ကတော့ ဖတ်ရင်းစဉ်းစားရင်းနဲ့ ဘုရားခဏခဏ တမိပါတယ်။ မောင်ကျည်ပွေ့လို ကုသိုလ်ရချင်ရင်တော့ အောက်ဖေါ်ပြပါများကိုဖတ်ကြည့်ကြပါခင်ဗျား…
၁။လူတိုင်းမွေးဖွါးလာကတည်းက တူညီသောလူ့ဂုဏ်သိက္ခာနှင့် အခွင့်အရေးရှိသည်။ (စစ်တပ်ကတစ်မျိုး၊ ကြံ့ဖွတ်ကတစ်နည်းမဟုတ်ဘူး)
၂။လူတိုင်းအသားအရောင်၊ လိင်၊ ကိုးကွယ်သည့်ဘာသာ၊ ကျား၊မ မရွေး တန်းတူညီမျှဖြစ်သည်။ (အသားအရောင်ကပြဿနာမဟုတ်ဘူး၊ အင်္ကျီအရောင်ကပြဿနာဖြစ်နေတယ်)
၃။ လူတိုင်းအသက်ရှင်ခွင့် လုံခြုံ ခွင့်ရှိသည်။(လုံခြုံသလားမမေးနဲ့၊ အင်းစိန်မှာမိသားစုဝင်ကိုတောင်မပေး တွေ့ဘူး)
၎။ မည်သူ့ကိုမှ ကျွန်အဖြစ်စေခိုင်းခြင်းမပြုရ။(ရေးထားဝယ်ရထားလမ်းက သက်သေပေါ့)
၅။ မည်သူ့ကိုမှ မတရားနှိပ်စက်ခြင်း မရှိစေရ(ခဏလိုက်ခဲ့ပါပြောပြီး အစရှာမရအောင်ပျောက်သွားတယ်)
၆။ လူတိုင်းတရားဥပဒေရှေ့တွင် လူသားကဲ့သို့ဆက်ဆံခံရမည်။(အိုး..အချစ်ရယ် နိုး..နိုး)
၇။ လူတိုင်းတရားဥပဒေ ရှေ့မှောက်တွင် တန်းတူဖြစ်သည်၊ ကျောသား ရင်သားမခွဲခြားရ (ကျောသားရင်သားမခွဲပါဘူး။ ဆွေတော်မျိုးတော်လေးပဲခွဲတာပါ)
၈။ အခွင့်အရေးချိုးဖေါက်ခံရပါက ဥပဒေအကူအညီယူခွင့်ရှိသည်။(အဲဒါ မြန်မာလို ဘယ်လိုပြောရမလဲ?)
၉။ မည်သူ့ကိုမှ ဥပဒေမဲ့ဖမ်းဆီးခြင်း၊ တိုင်းပြည်မှနှင်ထုတ်ခြင်းမပြုရ။ (ဆိုင်းဘုတ်လေးထောင်ရင်လဲ ဖမ်းတာအဒူတွေလဲအတိဝူး)
၁၀။ လူတိုင်းမျှတသော တရားစီရင်မှုခံခွင့်ရှိ သည်။ လူအများ ကြားနာနိုင်သော တရားရုံးဖြစ်ရမည်။(ကိုဇာဂနာကိုမေးကြည့်ပေါ့)
၁၁။ အပြစ်ရှိသည်ဟု ခိုင် လုံသောအထောက်အထားမရှိမချင်း ထိုသူသည် အပြစ်မရှိ။(အင်း..ဟုတ်လား)
၁၂။ မကောင်းသောရည်ရွယ် ချက်ဖြင့် အခြားသူ၏ စာများဖေါက်ခြင်း အိမ်အတွင်းဝင်ခြင်းမပြုရ။(ဧည့်စာရင်းဗျို့..)
၁၃။ လူတိုင်း မိမိတိုင်း ပြည်အတွင်း လွတ်လပ်စွာ သွားလာခွင့်ရှိသည်။(အငြိမ့်ထဲက ကင်းကောင်အော်သလို အဲဒါမြန်မာဟေ့..မြန်မာ)
၁၄။ မတရားအပြစ်ပေးခံရမည်ဆိုပါက အခြားနိုင်ငံတွင် ခိုလှုံခွင့်တောင်းခံနိုင်သည်။(ပြေးလွတ်တယ်ဆိုရင်ပေါ့)
၁၅။လူတိုင်း နိုင်ငံတစ်နိုင်ငံတွင် နိုင်ငံသားဖြစ်ခွင့်ရှိသည်၊ ဆန္ဒရှိပါကအခြားနိုင်ငံသားအဖြစ် ခံယူခွင့်ရှိသည်။ (မန္တလေးက တရုတ်တွေမေးကြည့်)
၁၆။ အရွယ်ရောက်ပြီးသော ကျား၊မ တိုင်း မိမိဆန္ဒဖြင့် လက်ထပ်ခွင့်၊ အိမ်ထောင်ထူထောင်ခွင့်ရှိသည်။(စိန်စီသောဝက်မ)
၁၇။ လူတိုင်းကိုယ်ပိုင်ပစ္စည်း ပိုင်ဆိုင်ခွင့်ရှိသည်။ (ဟုတ်ပ ကိုယ်ပိုင်ပစ္စည်းများမပြောပါနဲ့တော့ နိုင်ဂံဂျားဘဏ်မှာတောင်ခိုးအပ်ရတယ်)
၁၈။ လူတိုင်းလွပ်လပ်စွာ ကိုးကွယ်ခွင့်ရှိသည်၊ ဆန္ဒရှိပါက အခြားဘာသာသို့ကူးပြောင်းနိုင်သည်။(ဘုန်းကြီး ၀တ်မလို့ဟာ မပေးဝတ်ပဲတားတာ အဒူများပါလိမ့်)
၁၉။ လူတိုင်း လွတ်လပ်စွာ ထုတ်ဖေါ်ပြောဆိုခွင့်ရှိသည်။ (အ.ဟွင်းဟွင်း သိတယ်နော်)
၂၀။ လူတိုင်း ငြိမ်းချမ်းသောနည်းဖြင့် ဖွဲ့ထားသော အဖွဲ့များသို့ လွတ်လပ်စွာ ၀င်ခွင့်ရှိသည်။ (ဟုတ်ပ ကြံ့ဖွတ်တွေမေးကြည့် ကွက်တိ)
၂၁။ လူတိုင်း မိမိတိုင်းပြည်၏ အစိုးရကိုဆန္ဒမဲဖြင့် ရွေးချယ်ပိုင်ခွင့်ရှိသည်။ (သြော့်သြော်…ဂယ်ဘဲလား..အင်)
၂၂။ လူတိုင်း လူမှုဘ၀ဖူလုံရေး ခံစားပိုင်ခွင့်ရှိသည်။( ဘာတွေလဲ ဒီစကားလုံးကို မကြားဖူးဘူးဂျ)
၂၃။ လူတိုင်း သင့်တင့်သောလစာဖြင့် အလုပ်လုပ်ခွင့် အလုပ်သမားသမဂ္ဂများသို့ ၀င်ရောက်ခွင့်ရှိသည်။ (ကျောင်းဆရာမလစာ တစ်လ သုံးသောင်းကျပ်တိတိ ကြီးများတောင်ရတယ်။ ဘယ်မှာလဲမတိ..အဟိ)
၂၄။ လူတိုင်း အပန်းဖြေအနားယူခွင့်ရှိသည်။(အားယားယား.. အားယားယား)
၂၅။ လူတိုင်းလုံလောက်သော လူနေမှုအဆင့်အတန်းနှင့် ဆေးကုသခံခွင့်ရှိသည်။(ငွေတော့အကုန်ခံပေါ့ လို့…)
၂၆။ လူတိုင်း ပညာသင်ကြားခွင့်ရှိသည်၊ အနိမ့်ဆုံး မူလတန်းပညာကို အခမဲ့ သင်ခွင့်ရှိသည်။(ကျောင်းဝင်ကြေး၊ ပရိဘောဂဖိုး၊ ဘာဖိုး ညာဖိုး အာပလာဖိုး……)
၂၇။ လူတိုင်း မိမိပတ်ဝန်းကျင်၏ယဉ်ကျေးမှုတွင် ပါဝင်ပိုင်ခွင့်ရှိသည်။ (အလုပ်မရှိရင်စွမ်းအားရှင်ဝင်လုပ်)
၂၈။ လူတိုင်း ဤစာတမ်းပါအခွင့်အရေးများကို လေးစားရမည်။(လူတိုင်းဆိုတော့ ခွေးတွေမပါဘူးပေါ့)
၂၉။ လူတိုင်း အခြားသူများ၏ အခွင့်အရေးကို လေးစားရမည်။(လေးဆိုတာမသိ၊ စားဆိုတာသာသိ)
၃၀။ ဤစာတမ်းပါအခွင့်အရေးများကို မည်သူမှမချိုးဖေါက်ရ။ (စာရွက်စာတမ်းလောက်က သနားတယ်)
လူတိုင်းဟာ ငါတို့တော်တော်ညံ့ခဲ့ကြတယ်လို့ မတွေးချင်ကြပါဘူး။ မောင်ကျည်ပွေ့လဲ အဲဒီလိုမတွေးချင်ပါဘူး။ စစ်ခွေးပေါက်စလေးတွေကတော့ ငါတို့တော်တော်ယုတ်မာအောက်တန်းကျခဲ့ပါလားလို့ မတွေးချင်ရင် အချိန်မီပါသေးကြောင်း.....။

3 comments:

Unknown said...

GOOD,,,Harr harr ,,,Sure

deny said...

Would you like to post or send me the original one. I just wanna read it. Thanks.

Green

Myo Win Zaw said...

ဘယ်လိုပြောရမလဲ အတွေးကောင်းတယ် Thanks
ဖြစ်နိုင်ရင် ထပ်ဆင့်ဘာသာပြန်ချက်တွေကို မြန်မာနိုင်ငံထဲမှာ ဝေရင်ကောင်းမယ် မူရင်းက တွေ့တာနဲ့ နှစ်နှစ်ဆယ် တန်းနေတာဘဲ

 

©2009 မောင်ကျည်ပွေ့ | Template Blue by TNB