ဇာတ်သိမ်းမရှိတဲ့ ဇာတ်လမ်း

လွယ်အိတ်တလုံးနှင့် ကျွန်ုပ်လမ်းသလားနေသည်။ ခင်ရာမင်ရာ မိတ်ဆွေများထံ အလည်ပတ်လျှောက်သွားနေသော်ငြား မိတ်ဆွေများမှာ ကျွန်ုပ်ကဲ့သို့ ယောင်ခြောက် ဆယ်သမားများမဟုတ်ပဲ အလုပ်ကိုယ်စီရှိကြသဖြင့် ကျွန်ုပ်ကို ကြာရှည်စကားမပြောနိုင်၊ ၎င်းတို့၏လုပ်ငန်းခွင်သို့ အသီးသီးထွက်ခွါသွားရာ ကျွန်ုပ်မှာ ယောင်လည်လည်နှင့် တယောက်တည်း မြစ်ကမ်းနဘေးလမ်းလျှောက်နေမိတော့သည်။ ကျွန်ုပ်၏ရှေ့တွင် လူငယ်နှစ်ဦးလည်း လွယ်အိတ်ကိုယ်စီလွယ်လျက် သွားနေပေရာ ဘေးအမြင်တွင် ကျွန်ုပ် တို့သုံးဦးသား တဖွဲ့တည်းဟုထင်စရာပင်ဖြစ်နေသည်။

ထိုခဏ၌ မျက်နှာချင်းဆိုင်မှလူတဦးက `ဆရာတို့ ဘယ်သွားမလို့လဲ´ ဟု နှုတ်ဆက်ရာ ကျွန်ုပ်အရှေ့မှလူတဦးက `လူနာသွားကြည့်မလို့´ ဟုပြန်ုဖြေသည်။ ကျွန်ုပ်လည်း မရည် ရွယ်ပဲ ထိုသူနှစ်ဦးနောက်သို့ လိုက်ပါသွားတော့သည်။ မြစ်ကမ်းနဘေး တန်းလျားတခု ရှေ့အသက်သုံးဆယ်ဝန်းကျင်ခန့် လူတစ်ဦးထိုင်လျက်ရှိသည်။ ထိုသူကိုကြည့်ရသည်မှာ ကောင်းစွာသန်စွမ်းဟန်မတူပေ။ ခြေ၊လက်များသည် ကြုံလှီနေပြီး ပိုလီယိုရောဂါသည်လို ဖြစ်နေသည်။ ကျွန်ုပ်ရှေ့မှ လူတစ်ဦးက `ကဲဖြစ်ပုံလေးပြောပြပါဦး´ ဟုမေးမြန်းရာ

`ဒီလိုပါဆရာ.. ကျွန်တော်စူဖန်ဘူရီမှာနေပါတယ်.. တနေ့မှာ ကျွန်တော် အလုပ် လိုက်ရှာနေတုန်း လူတယောက်က ငါးရွေးတဲ့အလုပ်ထည့်ပေးမယ်ပြောလို့ သူ့နောက် လိုက်လာတာ အင်ဒိုလှေမှာ ကျွန်တော့်ကို ရောင်းသွားတယ်။ ပင်လယ်ထဲရောက်မှ ကျွန်တော့်ကို ရောင်းသွားမှန်းသိလိုက်ရတယ်။ လှေဆက်လိုက်ရင်းနဲ့ တနေ့ စက်ခန်းအ၀မှာ အိပ်ပျော်နေတုန်း စက်ခန်းထဲပြုတ်ကျသွားပြီး ခေါင်းမှာ ဒဏ်ရာရ၊ ခြေလက်တွေလည်း အခုလို မသန်ဖြစ်သွားတော့တာပါပဲ။ အဲဒီနောက်တော့ ငါးလာယူတဲ့ ကဲ့လှေတစီးနဲ့ ကျွန်တော့်ကို ဒီဆိပ်ကမ်းမှာ လာပို့သွားတယ်။ ဒီအခန်းမှာနေတဲ့ လင်မယားနှစ်ယောက်က ကျွန်တော့်ကို သနားလို့ကြည့်ရှုထားပေးတာ နှစ်လလောက်ရှိပြီ၊ အခုတော့ သူတို့အလုပ်ရှင်ကလည်း ကျွန်တော့်ကို ဒီအခန်းမှာ လက်မခံဖို့ပြောလာတော့ ဆရာတို့ဆီဆက်သွယ်ရတာပါပဲခင်ဗျာ´

`ဇာတိကဘယ်ကလဲ´ `ကျွန်တော်မြိတ်ကပါ၊ ဘယ်ရွာလဲဆိုတာတော့ မမှတ်မိတော့ဘူး။ ကျွန်တော်က အဖေမရှိဘူး၊ အသက်ရှစ်နှစ်သားလောက်မှာ ဘယ်ကမှန်း မမှတ်မိတော့တဲ့လူတွေနဲ့ ဒီထိုင်းထဲကိုလိုက်လာတာ။ ဘန်ကောက်နားက စူဖန်ဘူရီလို့ခေါ်တဲ့ မြို့ကိုရောက်တော့ ထိုင်းတယောက်က ကျွန်တော့်ကို မွေးစားတယ်၊ အဲဒီမှာပဲ ကျွန်တော်ကြီးပြင်းလာခဲ့ပါတယ်။ ဒါပေမဲ့ ကျွန်တော် မကောင်းတဲ့လူတွေနဲ့ ပေါင်းမိပြီး လေလွင့်ခဲ့ပါတယ်။ မွေးစားအမေနဲ့လည်းမနေတော့တာကြာပါပြီ၊ ဒီလိုနဲ့လေလွင့်နေရင်းနဲ့ အခုလိုဒုက္ခတွေ့တာပါပဲခင်ဗျာ။´

ထိုလူနှစ်ဦးမှာ စိတ်ရှုပ်သွားဟန်ရှိသည်။ တယောက်က `ပြဿနာပဲကွာ… သူ့ဟာ ကဘာမှ အစရှာမရဘူး။ လျော်ကြေးတောင်းရအောင် အလုပ်ရှင်ကိုမသိ၊ အိမ်ပြန်ပို့ရ အောင်ကလည်း လိပ်စာကမရှိ ၊ ဒီမှာလည်းနေလို့မရတော့ဘူးဆိုတော့ ဘယ်လိုလုပ်ရမှန်း မသိတော့ဘူး´ ဟု အချင်းချင်း တိုင်ပင်သလို ညည်းနေသည်။ ထိုသူနှစ်ဦးကဲ့သို့ပင် ကျွန်ုပ် လည်း စိတ်ထဲလေးလံမိသည်။ ထိုသူနှစ်ဦးမှာ အန်ဂျီအို တခုခုမှ ဖြစ်ပုံရသည်။ ၎င်းတို့၏ အရာရှိထံ ထိုင်းဘာသာဖြင့် အကြောင်းကြားနေသည်။ ကိုယ်တိုင်ဆုံးဖြတ်ခွင့်ရှိဟန်မတူ၊ ၎င်းတို့၏ အထက်အရာရှိက မည်သို့ပြန်ပြောသည်မသိ မျက်နှာရှုံ့မဲ့လျက်ဖြစ်နေသည်။ ထို့နောက် `အလကားဟာတွေ.. လစာ ညာစားဖို့ပဲသိတယ်၊ ပြောလိုက်ရင် ကူညီမယ်.. ကူညီမယ်ဆိုပြီးတော့ ဘာမှစောက်ဖြစ်မရှိဘူး´ ဟု မြန်မာလို ရေရွတ်လျက်ရှိသည်။

ထို့နောက် လူနာဖြစ်သူကို `အကိုရေ..ကျွန်တော်တို့ တခြားနေရာတွေနဲ့ဆက်သွယ် ပြီး အကို့အတွက်ကြိုးစားပေးမယ်ဗျာ။ တရက်နှစ်ရက်တော့ ဒီမှာ ခဏနေလိုက်ဦးနော်၊ အခု အကို့ကိုခေါ်သွားဖို့ အဆင်မပြေဖြစ်နေသေးတယ်။ အဆင်ပြေတာနဲ့ ကျွန်တော်တို့ လာခေါ်မယ်နော်´ ဟု ပြောနေသံကို ကျွန်ုပ်ကြားနေရသည်။

ထိုသူနှစ်ဦးကဲ့သို့ပင် ကျွန်ုပ်သည်လည်း ရင်ထဲ၌စိတ်မကောင်းဖြစ်မိသည်။ ထိုလူနာကိုလည်း လွန်စွာသနားခြင်းဖြစ်မိသည်(ထုံးစံအတိုင်း)။ ရှေးကံကြမ္မာကြောင့် ဤသို့ဖြစ်ရခြင်းပေလောဟုထင်မိသည်(ထုံးစံအတိုင်း) ထို့အတူ သွေးမတော် သားမစပ် နှစ်လတိုင် အပေါ့အလေးကစ ပြုစုကျွေးမွေးခဲ့သော လင်မယားနှစ်ယောက်ကိုလည်း လေးစားခြင်းဖြစ်မိသည်(ထုံးစံအတိုင်း)။ ထိုနေ့က သူတို့ဇာတ်လမ်း မည်ကဲ့သို့ဆက် ဖြစ်သွားသည်ကို ကျွန်ုပ်မသိတော့…။ (ထုံးစံအတိုင်း) နောက်တရက်နှစ်ရက်ဆိုလျှင် ကျွန်ုပ်လည်း မိမိဘ၀အရေးကိစ္စများဖြင့် လုံးပန်းပြီး ထိုရင်နင့်ဖွယ်ရာအဖြစ်ကို (ထုံးစံအတိုင်း) မေ့ပျောက်သွားမည်ဖြစ်ပါသည်။

တောင်ကျော်တို့၏ ခက်ဆစ်အဓိပ္ပါယ်များ။ ။ အင်ဒိုလှေ= အင်ဒိုနီးရှားပင်လယ်ပြင်တွင် လိုင်စင်လုပ်ပြီး တနှစ်မှ သုံးနှစ်အထိ ငါးဖမ်းသော ထိုင်းပိုင်လှေ၊ ထိုလှေများသည် လိုင်စင် သက်တမ်းကုန်မှသာ ထိုင်းသို့ပြန်ဝင်လာသည်။ ကဲ့လှေ = ထိုငါးဖမ်းလှေမှ ငါးများကို ထိုင်းသို့ပြန်သယ်ပြီး ငါးဖမ်းလှေအတွက် ရိက္ခာပို့ပေးသောလှေ (ရိက္ခာပို့ပေးသောလှေနှင့် မဆုံစည်း၍ လပေါင်းများစွာ ထမင်း၊အသီးအရွက် မစားရပဲ ငါးတစ်မျိုးတည်းသာ စားရ သဖြင့် ဗီတာမင်ဓါတ်ချို့တဲ့ပြီး မြန်မာအလုပ်သမား သုံးဆယ်ကျော်ခန့်သေဆုံးခြင်း ဖြစ်ခဲ့ဖူး သည်။(ဤကား စကားချပ်)

ဆက်ဖတ်ရန်ကျန်သေးသည်...

အရင်းခံ

မင်္ဂလာပါခင်ဗျာ.. မောင်ကျည်ပွေ့စာမရေးဖြစ်တာတော်တော်ကြာသွားပါတယ်။ လာလည် အားပေးကြတဲ့မိတ်ဆွေများကိုလည်း နှုတ်မဆက်ဖြစ်တာ တောင်းပန်ပါတယ်။ နဂိုရ်က တည်းက မောင်ကျည်ပွေ့ဟာ လူမှုဆက်ဆံရေးဘက်မှာ အားနည်းချက်ရှိတာကလည်း တကြောင်းပေါ့ခင်ဗျာ။ တွေးချင်ရာတွေး ငေးချင်ရာငေးပြီး ပတ်ဝန်းကျင်ကို သိပ်ဂရုမစိုက်တတ်တဲ့ လူကြောင်ဆိုတော့လည်း မိတ်ဆွေများက ခွင့်လွှတ်ပေးပါ။


ခုတလော ရန်ကုန်မှာ ဗုံးတွေ ခဏခဏကွဲနေပါတယ်။ စွမ်းအားမြှင့်အဖွဲ့က လှုပ်ရှားနေ တယ်လို့ ဘလော့တွေမှာ တွေ့ရပါတယ်။ ဒီပေါက်ကွဲမှုတွေထဲမှာ စစ်တပ်က ကိုယ့်ဟာ ကိုယ်ဖေါက်တာလည်း ပါကောင်းပါနိုင်ပါတယ်။ သူတို့ရဲ့လမ်းစဉ်မှာကိုက ရောင်တော်ပြန်နဲ့ ရောလွှတ်တတ်တာ ခေတ်အဆက်ဆက်မှာ တွေ့နိုင်ပါတယ်။ တခြားသူတွေက ဒီလို ဖေါက်ခွဲရေးတွေလုပ်နေတဲ့ လှုပ်ရှားမှုတွေကို ဘယ်လိုထင်မြင်ကြတယ်ဆိုတာ မသိပေမဲ့ မောင်ကျည်ပွေ့အမြင်မှာတော့ အနုနည်းနဲ့လုပ်ဆောင်နေတာ၊ တွေ့ဆုံဆွေးနွေးရေးကို ကြိုးစားနေတာတွေနဲ့တင် မလုံလောက်လို့ ဒီလိုဖေါက်ခွဲမှုတွေ ပေါ်ပေါက်လာတာလို့ မြင်ပါတယ်။


ဘာကြောင့်လဲဆိုတော့ စစ်တပ်ဟာ လူလိုသူလိုစကားပြောလို့ ဆွေးနွေးလို့မရနိုင်တဲ့ ၊ လူစိတ်မရှိတဲ့သတ္တ၀ါတွေဖြစ်ကြောင်း တနေ့တခြားထင်ရှားလာလို့ပါပဲ။ စစ်တပ်ဟာ ပြည်သူတွေကို တကယ့်ရန်သူကြီးတွေလို သဘောထားပြီး ဖြတ်လေးဖြတ်စစ်ဆင်သလို လုပ်ဆောင်နေပါတယ်။ တမြို့ထဲမှာတောင် သွားလာမလွယ်ကူအောင်လုပ်ထားတယ်၊ အချိန်မတော်ဧည့်စာရင်းတွေနဲ့ ခြိမ်းခြောက်တယ်။ ပြောဆိုဆွေးနွေးခွင့်တွေမရှိအောင် လုပ်ထားတယ်၊ …….. ပြောမကုန်နိုင်အောင် လူတွေရဲ့ ရွေ့လျားသွားလာနိုင်စွမ်းကို စစ်ဆင်ရေးပုံစံသဘောထားပြီး ထိန်းချုပ်ထားပါတယ်။


ဝါဒဖြန့်တဲ့နေရာမှာလည်း ဗွီစီဒီ၊စာအုပ်တွေကအစ သတင်းစာဂျာနယ်အဆုံး မထည့်မနေ ရ ၀ါဒဖြန့်စာတွေထည့်သွင်းတဲ့အပြင် ပြင်ပက ရေဒီယိုနားထောင်ရင်တောင် ထောင်ချတဲ့ အထိတင်းကျပ်ထားပါတယ်။ ပြည်သူတွေကို ခြင်းထဲကကြက်တွေလို သဘောထားစော် ကားနေတဲ့နိုင်ငံမှာ ဒီလိုအကြမ်းဖက်မှုတွေဖြစ်လာတာဟာ မဆန်းပါဘူး။ ဖြစ်သင့်နေတာ ကြာပြီလို့တောင် ပြောရမလိုပါပဲခင်ဗျ။ အခုဆိုရင် စစ်ခွေးနောက်လိုက်တွေလည်း ပြည်သူတွေလိုပဲ ကျီးလန့်စာစားနေရတဲ့ဘ၀ တဖြေးဖြေးနဲ့ရောက်လာတော့မှာပါ။ တကယ်လို့သာ ဒီ့ထက်မက စစ်ခွေးတွေကို သုတ်သင်ပြနိုင်ရင် သူတို့ပြောတဲ့စကားလို ဖြစ်နေမှာပါ၊ ဘာတဲ့ တပ်နဲ့ပြည်သူတသားတည်း ဆိုလားဘာဆိုလားပဲ ကြောက်ရတဲ့နေ ရာမှာလေ။ အခုတော့ လန့်ရုံလောက်ပဲရှိသေးတယ်။ ခုထက်မက ရည်ရွယ်ရာပစ်မှတ်တွေ ကို ထိထိရောက်ရောက် ဖေါက်ခွဲနိုင်ပါစေပေါ့ဗျာ။


ဖေါက်ခွဲရေးလုပ်တဲ့သူတွေက သူတို့ရည်ရွယ်သလိုဖေါက်ခွဲကြကုန်ပြီ။ တခြားဆရာသမား အပေါင်းတို့ကရော မိမိတို့ကြွေးကြော်ထားသလိုဖြစ်ရဲ့လား..လို့ ကိုယ့်ဟာကိုယ်မေးကြည့် ကြပါဦးနော်။ မောင်ကျည်ပွေ့ကတော့ မမေးတော့ဘူး။ တိုင်းပြည်နဲ့လူမျိုးအတွက် ဘ၀အနာဂတ်များပေးဆပ်နေသော သူရဲကောင်း တိုက်ပွဲဝင်ရဲဘော်များကို လေးစားဦး ညွတ်လိုက်ပါတယ်။………………………. မင်္ဂလာပါခင်ဗျာ…………………………….

ဆက်ဖတ်ရန်ကျန်သေးသည်...

 

©2009 မောင်ကျည်ပွေ့ | Template Blue by TNB