ဖုံးကွယ်ထားတဲ့သံဃသမိုင်းအပိုင်းအစ

ပြီးခဲ့တဲ့ ၂၀၀၇ ရွှေဝါရောင်တော်လှန်ရေးဟာ ကမ္ဘာအနှံ့ ထင်ရှားသွားပြီး စစ်အာဏာရူးတွေကို တုန်လှုပ် ခြောက်ခြားစေခဲ့ပါတယ်။ ခေတ်သစ် သတင်းမီဒီယာရဲ့ ဖေါ်ထုတ်နိုင်မှုကြောင့် စစ်တပ်ရဲ့ အယုတ်တမာလုပ်ရပ်တွေ ဟာ ဘယ်လောက်ကမ်းကုန်နေကြောင်း မြန်မာတနိုင်ငံလုံးသာမက ကမ္ဘာကပါသိရှိခဲ့ပါတယ်။ သံဃာတော်တွေရဲ့ သပိတ်မှောက်ကံဆောင်မှုတွေ မြန်မာနိုင်ငံမှာ ပေါ်ပေါက်ခဲ့တာ နှစ်ကြိမ်ရှိခဲ့ပြီးဖြစ်ပါတယ်။ ပထမတကြိမ်က ၁၉၉၀ ခုနှစ် ကဖြစ်ပြီး နောက်တကြိမ်က အများသိကြတဲ့ ၂၀၀၇ မှာဖြစ်ပါတယ်။ သို့သော် ၁၉၉၀ ကဖြစ်ပွါးခဲ့တဲ့ သပိတ် မှောက်ကံဆောင်မှုကို အများပြည်သူများအနေနဲ့ ကျယ်ကျယ်ပြန့်ပြန့် မသိခဲ့နိုင်ကြပါဘူး။ သတင်းအမှောင်ချမှုတွေ ၊ လိမ်ညာလှည့်ဖျားမှုတွေကြောင့်နဲ့ မတိုးတက်သေးတဲ့ သတင်းပို့ဆောင်မှုတွေကြောင့် အများပြည်သူ သိခွင့်မရလိုက် တဲ့ အကြောင်းအရာတွေကို မောင်ကျည်ပွေ့က တတ်နိုင်တဲ့ တဒေါင့်တနေရာက ၀င်ဖြည့်ပေးတဲ့အနေနဲ့ ရေးသား လိုက်ပါပြီ။ သိမှီသူများကလည်း သမိုင်းမှတ်တမ်းများကို မပျောက်ပျက်အောင် ၀ိုင်းဝန်းဖေါ်ထုတ်ပေးကြပါလို့ တိုက်တွန်းလိုပါတယ်။ မောင်ကျည်ပွေ့ကိုယ်တိုင် အခုမှပဲသိရကြားရလို့ ရေးတတ်သလို ရေးရခြင်းဖြစ်ပါတယ်။

၁၉၉၀ ခုနှစ်မှာ သံဃာတော်တွေဟာ အပြစ်မဲ့ပြည်သူတွေကို သတ်ဖြတ်ခဲ့တဲ့ သွေးစွန်းလက်တွေနဲ့ လှူဒါန်းမှု တွေကို လက်မခံနိုင်ဘူး၊ လူသတ်သမားတွေကို သပိတ်မှောက်ကြမယ်လို့ တညီတညွတ်တည်း ဆုံးဖြတ်ပြီး ရွှေတိဂုံကုန်းတော်မှာ ကံဆောင် သပိတ်မှောက်ဖို့ချီတက်လာကြပါတယ်။ ဆရာတော်သံဃာတော်ကြီးတွေ ကိုယ်တော်တိုင်ဦးဆောင်ပြီး ကျန်းမာရေး အခြေအနေကြောင့် မလိုက်ပါနိုင်တဲ့ ဆရာတော်ကြီးတချို့ကလဲ သဘောတူထောက်ခံကြောင်း လက်မှတ်ထိုးပေး လိုက်ပါတယ်။ အဲဒီသံဃာတော်တွေချီတက်လာစဉ်မှာပဲ စစ်ခွေးတွေက ဖမ်းဆီးပြီး ထောင်ထဲသွင်းလို့ နှိပ်စက်ပါတော့တယ်။ သံဃာတော်တွေကို ဖမ်းဆီးစော်ကားပြီးတိုင်း စစ်ခွေးနဲ့ခွေးနောက်လိုက်တွေက ရဟန်းတု လို့ ပြောတတ်တော့ တုသလားစစ်သလားဆိုတာ ထင်ရှားအောင် ထောင်သွင်းအကျဉ်းချခံခဲ့ရတဲ့ ဆရာတော်ကြီးတွေ အကြောင်း အနည်းငယ်ဖေါ်ပြလိုက်ပါမယ်။ မဝေးလှသေးတဲ့သမိုင်းကြောင်းဖြစ်နေတဲ့အတွက်လဲ တတ်နိုင်သူများ ပြန်လည်စုံစမ်းပြီး သမိုင်းမှတ်တမ်းပြုစုကြဖို့ ထပ်မံ တိုက်တွန်းလိုက်ပါတယ်။

ပျံလွန်တော်မူသွားပြီဖြစ်တဲ့ မဂ္ဂင်ဆရာတော်ကြီးဟာဆိုရင် ပိဋကတ်တွေနှံ့စပ်တဲ့ဆရာတော်ပါ။ ဘာသန္တရ အမျိုးမျိုးကိုလည်းတတ်ကျွမ်းပါတယ်။ နိုင်ငံတကာဗုဒ္ဓစာပေတွေကို ရေးသားပြုစုခဲ့ပြီး၊ ပညာဒါနတွေပေးဝေခဲ့ပါတယ် ၊ သာသနာတော်အတွက် ဘုရားရှင်ရဲ့မျက်နှာကိုသာကြည့်ပြီး မှန်မှန်ကန်ကန်ရပ်တည်ပြခဲ့လို့ စစ်ခွေးတွေက ထောင်သွင်းအကျဉ်းချတာခံခဲ့ရပါတယ်။ သက်တော်ကြီးရင့်နေတဲ့ ဆရာတော်ဟာ အင်းစိန်ထောင်မှာ ၂နှစ်ခွဲကြာ ထောင်ချခံရပြီး ပြန်လွတ်လာတော့ မှတ်မှတ်ရရ စကားတခွန်းပြောခဲ့ပါတယ် “ငါ.. မ သုံးလုံးရပြီ၊ မူးတာ-မောတာ-မေ့တာ” လို့ဆိုရှာခဲ့ပါတယ်။

ပျံလွန်တော်မူသွားပြီဖြစ်တဲ့ တိပိဋကဓရဂန္ဓာရုံဆရာတော်ကြီးဟာဆိုရင် မျက်မှောက်ခေတ် သာသနာ့သမိုင်း မှာ နောက်ထပ်ပေါ်ပေါက်နိုင်ဖို့ အလွန်ခဲယဉ်းတဲ့ သံဃာရတနာတစ်ဆူဖြစ်ပါတယ်။ တိပိဋကဓရဘွဲ့ဆိုတာ ပိဋကတ် သုံးပုံကို အာဂုံဆောင် မွှေနှောက်ပြနိုင်မှ ရရှိတဲ့ဘွဲ့ဖြစ်ပါတယ်။ အဲဒီဘွဲ့တော်ကို အသက် ၂၇ နှစ်အရွယ်ကတည်းက ရရှိခဲ့တဲ့ သံဃအာဇာနည်ဖြစ်ပါတယ်။ လက်ရှိသာသနာမှာ ကြည်ညိုဖွယ်စံချိန်ပဲဖြစ်ပါတယ်။ အဲဒီအပြင် သက်တော် အငယ်ဆုံး အဂ္ဂမဟာ ဖြစ်ခဲ့ပါတယ်။ ပရိယတ်အကြောင်းနားလည်တဲ့သူဆိုရင် တိပိဋကဓရရဲ့ ဂုဏ်ကို ပိုသိမှာပါ။ အဲဒီလို သံဃရတနာကို စစ်ခွေးတွေက ရာသီဥတုခက်ထန်ကြမ်းတမ်းတဲ့ မချမ်းဘောထောင်မှာ ၂နှစ်ခွဲ ထောင်သွင်း အကျဉ်းချခြင်းကိုခံခဲ့ရပါတယ်။ ကျောင်းနဲ့ဝေး တပည့်ဒကာတွေနဲ့ဝေးရာ မြန်မာပြည်မြောက်ဖျားက ရေခဲကြားမှာ ဗုဒ္ဓဘာသာဝင်လို့ ကြွေးကြော်တဲ့ စစ်ခွေးတွေရဲ့နှိပ်စက်မှုတွေကို ဆရာတော်ကြီးခံစားခဲ့ရပါတယ်။ ပြန်လွတ်လာပြန် တော့ ရိုးသားလှတဲ့ဆရာတော်ကြီးကို ခါးပိုက်ဆောင်၊ အယောင်ပြပြီး မျက်လှည့်ပြခဲ့လို့ လောကဓံကြားမှာ ခံစားချက်ပြင်းပြင်းနဲ့ အဆုံးသတ်သွားရရှာပါတယ်။ သုတဗုဒ္ဓလို့ တင်စားတတ်တဲ့ တိပိဋကဓရဆရာတော်ကို ရဟန်း အတုလို့ ငြင်းဦးမှာလား..။ ဆရာတော်ကြီးကို စော်ကားခဲ့တဲ့ ငခင်ညွှန့်ကတော့ ဘ၀တောင်မကူးသေးဘူး အကုသိုလ်အကျိုးပေးနေပြီလေ။

မေဒိနီဆရာတော်ကြီးနဲ့ဗောဓိဆရာတော်ကြီး ဆိုတာ သံဃာရာကျော်တဲ့ကျောင်းတိုက်ကြီးတွေကို အုပ်ထိန်း ရင်းနဲ့ ပိဋကတ်စာပေတွေပို့ချပေးနေတာပါ။ အများအကျိုး၊ သာသနာ့အကျိုးအတွက် ရဲရဲရင့်ရင့်ရပ်တည်ပေးခဲ့လို့ ထောင်ချခံခဲ့ရပါတယ်။ မေဒိနီဆရာတော်ကြီးဆိုရင် ကျောင်းတိုက်ကြီးကိုပါအနုကြမ်းစီးခံရပြီး ကျောင်းမဲ့ဆရာတော် ဖြစ်ခဲ့ရပါတယ်။ အသေးစိတ်ကို ဆရာတော်ကြီးတွေ သက်တော်ထင်ရှားရှိနေစဉ်မှာ မှတ်တမ်းတင်နိုင်ရင် အလွန် ကောင်းပါမယ်။ ဖေါ်ပြပါဆရာတော်ကြီးနှစ်ပါးလုံး သက်တော်ထင်ရှားရှိနေဆဲပါ။

အခုလက်ရှိ အင်းစိန်ရွာမဆရာတော်ဆိုတာ ရန်ကုန်မြို့မှာ သံဃာတော်အများဆုံးကျောင်းတိုက်ကြီးကို ကွပ်ကဲပြီးစာပေပို့ချနေပါတယ်။ ဆရာတော်ကြီးဟာ သာသနာတော်အတွက်
ဝိနည်းနဲ့အတိအကျရွက်ဆောင်ပြခဲ့လို့ ထောင်သွင်းအကျည်းချခြင်းကို ၂နှစ်ခွဲအကြာ အင်းစိန်ထောင်ထဲမှာ ခံစားခဲ့ရပါတယ်။ ထောင်ကပြန်လွတ်တော့လဲ တောရဆောက်တည်လိုက်၊ စာချလိုက်နဲ့ ရဟန်းတာဝန်ကျေပွန်ခဲ့ပါတယ်။ အခုလက်ရှိ မဟန လို့ခေါ်တဲ့ နိုင်ငံတော် သံဃမဟာနာယက အဖွဲ့မှာ အကျိုးတော်ဆောင်(အတွင်းရေးမှူးရာထူး) အဖြစ် စစ်ခွေးတွေကတင်ထားပါသေး
တယ်။ ၂၀၀၇ ရွှေဝါရောင်တော်လှန် ရေးဖြစ်တော့ သွေးစွန်းလက်နဲ့ ငမြင့်မောင်က ဆရာတော်ကြီးတွေကို ရှေ့ထားပြီး “ထောင်ထွက်တွေ- သင်္ကန်းဝတ် တွေ- အယောင်ဆောင်တွေ“ လို့ စော်ကားမော်ကားလုပ်ခဲ့တာ ဘယ်လောက်သည်းခံပြီးနားထောင်နေရမလဲဆိုတာ ၀င်ခံစားကြည့်ပါ။ စစ်ခွေးတွေရဲ့ ယုတ်မာရိုင်းစိုင်းပုံတွေကတော့ မြန်မာ့သမိုင်း၊ သာသနာ့သမိုင်းမှာ အင်မတန်အောက်တန်းကျလွန်းလို့ မြန်မာနိုင်ငံ၊မြန်မာလူမျိုးတွေအတွက် ပယ်ဖျက်မရတဲ့ အမည်းကွက်ဖြစ်ခဲ့ပါပြီ။

အထက်ပါဆရာတော်ကြီးတွေအပါအ၀င် အခြားဆရာတော်တွေ၊ ရဟန်းပျိုတွေ အများကြီး ထောင်သွင်း အကျဉ်းချ နှိပ်စက်ခံထိလို့ သာသနာတော်အတွက် များစွာ ဆုံးရှုံးနစ်နာခဲ့ရပါတယ်။ ဆရာတော်ကြီးတွေကို ထောင်ဒဏ် ၁၀ နှစ်စီချခဲ့ပြီးမှ ၂နှစ်ခွဲအကြာမှာ ပြန်လွှတ်ပေးခဲ့ခြင်းဖြစ်ပါတယ်။ တခြားရဟန်းပျိုတွေကတော့ ဘယ်လို ဘယ်ပုံဆက်ပြီး ဖြစ်သွားတယ်ဆိုတာ ဘယ်သူသိနိုင်မှာလဲ။ ဆရာတော်ကြီးတွေဟာ ထောင်ထဲမှာ ထောင်ဝတ်စုံ ကိုဝတ်ဆင်ပြီး ရဟန်းဝိနည်းနဲ့ညီအောင် ဘယ်လိုခက်ခဲစွာ နေထိုင်ခဲ့ရပါသလဲ။ နှလုံးသားရှိသူများ စဉ်းစားကြည့်ကြပါ။ မောင်ကျည်ပွေ့ကတော့ စာကိုဆုံးအောင်မနည်းအားတင်းထားရပါတယ်။

အခု၂၀၀၇ ရွှေဝါရောင်တော်လှန်ရေးမှာ ပါဝင်ခဲ့ကြတဲ့ ရဟန်းတော်တွေလည်း နောင်တော်အာဇာနည်ရဟန်း တော်များလိုပဲ ထောင်ထဲမှာ ပင်ပန်းဆင်းရဲစွာနဲ့ နှိပ်စက်မှုဒဏ်တွေကို ခံစားနေရတုန်းပါပဲ။ အခုလက်ရှိရဟန်းတော် တွေဆိုရင် ထောင်ဝင်စာတွေ့လို့မရအောင်ကို ယုတ်မာကောက်ကျစ်စွာလုပ်ထားပါတယ်။ သတ္တိရှိတဲ့လေးစားဖွယ် ရဟန်းဒကာ၊ဒကာမတွေဟာ မိမိတို့ကိုးကွယ်တဲ့ ရဟန်းတော်ဖမ်းခံထိပြီဆိုတာနဲ့ လိုက်ကြပါတယ်၊ သွားရောက်တွေ့ ဆုံကြပါတယ်။ အဒီအခါမှာ ရဟန်းဘွဲ့ကိုပြောပြီးတွေ့ခွင့်တောင်းတာနဲ့ ခွေးနောက်လိုက်တွေက အသံဆိုးကြီးနဲ့ ထောင်ဲမှာဘုန်းကြီးမရှိဘူး လူနာမည်ကိုပြော ဆိုပြီးရစ်ပါတယ်။ ရဟန်းဒကာ/မ တွေက ဘယ်လိုလုပ်ပြီး ရဟန်း တော်ရဲ့လူနာမည်ကိုသိနိုင်မှာလဲ..၊ သိတယ်ထားဦးတော့ နောက်ထပ်မေးလာတဲ့ မိဘနာမည်တွေဘာတွေညာတွေ ဘယ်လိုဆက်ဖြေမှာလဲ။ ဒါနဲ့ပဲ ရဟန်းတော်တွေဟာ ထောင်ထဲမှာ ရာဇ၀တ်မှုနဲ့ ထောင်ကျတဲ့ သူခိုးဂျပိုးတွေထက် အနှိပ်စက်ခံ၊ စိတ်ဓါတ်ရေးရာတွေ ပျက်အောင် အဖျက်စီးခံနေရပါတော့တယ်။

ဒီလိုဆိုးဝါးတဲ့ အဖြစ်အပျက်တွေဟာ ရွှေလို့ကိုယ့်ကိုယ်ကို တင်စားခေါ်နေတဲ့ မြန်မာပြည်ကြီးမှာဖြစ်နေခဲ့ ဖြစ်နေဆဲပါ။ နောက်ထပ်လဲဖြစ်လာပါဦးမယ်။ ဒီလိုဖြစ်နေရခြင်းရဲ့ သမိုင်းတရားခံဟာ စစ်အာဏာရူးနေတဲ့ စစ်ခွေး တွေနဲ့ နောက်လိုက်နောက်ပါ ဘောချွေးသုတ်တွေကြောင့်ပါပဲ။ အဲဒီအပြင် ဒီမိုကရေစီလို့ အော်ပြီးတောင်းရမ်းစား သောက်နေတဲ့ အယောင်ဆောင်တွေရဲ့ လက်ချက်တွေလဲ တစိတ်တပိုင်းပါဝင်နေပါတယ်။ ကျွန်တော်တို့တွေလဲ သာရာစား လုပ်နေကြဦးမယ်ဆိုရင် မဝေးတော့တဲ့ကာလမှာ စုတ်ပြတ်သတ်နေတဲ့ နိုင်ငံကြီးသားတွေအဖြစ်ကို ရောက်ရတော့မှာပါပဲ။ အခုတောင် အသက်၂၅ နှစ်အောက် လူငယ်တွေအများစုဟာ ရဖို့ဝဖို့ ဆိုတာကိုပဲသိတဲ့ ဘနဖူးသိုက်တူးစိတ်ဓါတ်တွေပဲရှိတဲ့ သူတွေဖြစ်ကုန်ပါပြီ။ ရုရှားရောက် ဆိတ်ဗိုလ်အုပ်စုကို ကြည့်ပေါ့။ အောင်မယ်.. သူရို့က ဘုရားတရားကြည်ညိုသလို ဘာလိုလိုလုပ်နေကြသေးတယ်။ ထွီ …. ။ နောက်ထပ် ထွီချင်သေးတဲ့ငနာ တွေရှိသေးတယ်။ သတင်းဌါနတွေမှာ ညာစားနေတဲ့ကောင်တွေပေါ့ဗျာ။ ရွှေဝါရောင်တော်လှန်ရေးကာလက ရွာမဆရာတော်ကြီးကို ဖမ်းသွားပြီ ဆိုပြီး မဟုတ်ပဲနဲ့ သတင်းလွှင့်တော့ ရွာမဆရာတော်ကြီးက သတင်းနားထောင် ပြီး မင်းတို့ဟာဟုတ်မှဟုတ်သေးရဲ့လားလို့မိန့်တော်မူသတဲ့..။ ဘာပဲဖြစ်ဖြစ် စစ်ခွေးမိစ္ဆာကောင်တွေရဲ့ လက်အောက်ကနေ လွတ်မြောက်ဖို့ အားလုံးကိုယ်စီတာဝန်သိပြီး လုပ်ဆောင်ကြမယ်ဆိုရင် ဒီစစ်ခွေးတွေကို သုတ်သင်ဖယ်ရှားပစ်နိုင်ပါမယ်။ ဖေါ်ပြပါ ၁၉၉၀ သပိတ်မှောက်ကံဆောင်သမိုင်းကြောင်းကို ဆရာတော်ကြီးတွေ သက်တော်ထင်ရှားရှိနေစဉ်မှာ ၀ိုင်းပြီးမှတ်တမ်းတင်နိုင်ဖို့ နဲ့ စစ်ခွေးတွေရဲ့ယုတ်မာမှုတွေကို ဖေါ်ထုတ်ပြီး သုတ်သင်နိုင်ဖို့အတွက် ရေးသားလိုက်ပါကြောင်း။
ဤစာကို ဆရာ ငါးထန်းရွက်၏ မှတ်စုနှင့် အကြံဥာဏ်များရယူ၍ ရေးသားတင်ပြခြင်းဖြစ်ပါသည်။

ဆက်ဖတ်ရန်ကျန်သေးသည်...

ရဟန်းဆိုတာ....

ရဟန်းတု၊ ဘုန်းကြီးအတု၊ ဘုန်းကြီးကနိုင်ငံရေးနဲ့ဘာဆိုင်လဲ၊ ဘုန်းကြီးဆိုတာ စာသင်၊တရားကျင့် ဒါတွေပဲလုပ်ရ မယ် စသည်ဖြင့် အရူးချီးပန်းပြောပြီး နအဖ အောက်ဆွဲ ဘောချွေးသုတ်တွေ ဘလော့တွေမှာ ၀င်ရှုပ်နေပါတယ်။ ဒါဟာ ဘယ်လောက်ထိ အောက်တန်းကျသလဲဆိုတာကို ပြနေတဲ့အပြင် ဗုဒ္ဓဘာသာလို့ နာမည်ခံထားပြီး ရတနာ သုံးပါးကို ပြန်စော်ကားနေတာလည်းဖြစ်ပါတယ်။ ငသန်းရွှေကို မျက်နှာလိုမျက်နှာရ ဖါးနေလိုက်ကြတာ တကယ်ကို အော့နှလုံးနာဖို့ကောင်းပါတယ်။ တကယ်တော့ ရဟန်းဆိုတာ ဘာလဲလို့ သိလဲမသိခဲ့ကြ နားလည်းမလည်ပဲနဲ့ ရဖို့နဲ့ဝဖို့ ပဲသိတဲ့ကောင်တွေက ရဟန်းတော်တွေကို စော်ကားနေကြတာ အနူလက်သီးထက်ကို ရွံရှာစက်ဆုတ်ဖွယ် လည်းဖြစ်ပါတယ်။

ဗုဒ္ဓဘာသာမှာ ရဟန်းအဖြစ်ရဖို့ဆိုတာ ခြောက်မျိုးရှိပါတယ်။
(၁) ဧဟိဘိက္ခူပ သမ္ပဒါ (ဘုရားရှင်က ချစ်သားရဟန်းလာလော့ လို့ခေါ်လိုက်တာနဲ့ရဟန်းဖြစ်သွားတာ)
(၂) သရဏဂမနူပ သမ္ပဒါ (သာသနာအစမှာ သရဏဂုံတည်ရုံနဲ့ ရဟန်းဖြစ်တာ)
(၃)သြ၀ါဒူပသမ္ပဒါ (ဘုရားရှင်ရဲ့အဆုံးအမခံယူနေရင်းနဲ့ရဟန်းဖြစ်တာ၊ သာသနာမှာတစ်ပါးတည်းသာရှိ)
(၄) ပဥှာဗျာကရဏူပ သမ္ပဒါ (ဘုရားရှင်နဲ့ ဆွေးနွေးမေးမြန်းဆဲမှာ ရဟန်းဖြစ်တာ၊ တစ်ပါးတည်းသာရှိ)
(၅) ဥတ္တိစတုတ္ထကမ္မ၀ါ သမ္ပဒါ (ဉတ် တစ်ကြိမ် ကမ္မ၀ါ သုံးကြိမ်ဖတ်ပြီးရဟန်းဖြစ်တာ)
(၆) ဂရုဓမ္မူပ သမ္ပဒါ (တရားကျင့်ကြံရင်း ရဟန်းမ ဖြစ်တာ၊ မိထွေးတော်ဂေါတမီ တစ်ပါးသာရှိ)
ဖေါ်ပြပါ ခြောက်မျိုးမှာ နံပါတ် (၅) ကလွဲရင် ကျန်တာတွေဟာ မြတ်စွာဘုရားရှင် သက်တော်ထင်ရှားရှိစဉ်တုန်းက သာ ရှိခဲ့တာဖြစ်ပြီး ယနေ့မျက်မှောက်ခေတ်မှာ မရှိတော့ပါဘူး။

အမှတ်စဉ် (၅) ဖြစ်တဲ့ ဉတ်ကမ္မ၀ါ လေးကြိမ်ရွတ်ဖတ်ပြီး ရဟန်းဝတ်လို့ သာသနာတော်ကို လက်ဆင့်ကမ်းသယ်ဆောင် လာခဲ့တာတော့ ယနေ့ခေတ်တိုင်အောင်ပါပဲ။ မြတ်စွာဘုရားရဲ့ ရွှေရင်တော်နှစ် သားတော်အစစ်ဖြစ်တဲ့ ရဟန်းတော် များဟာ အဖဘုရားရှင်ကို စံနမူနာယူပြီး ခေတ်အဆက်ဆက်မှာ ရဟန်းတရားတွေကို ကျင့်ကြံခဲ့ကြပါတယ်။ ရဟန်းတော်တွေ စံနမူနာယူရတဲ့ ဘုရားရှင်ကိုယ်တော်ကြီးက အများသိထားပြီးတဲ့ အတိုင်း စရိယ သုံးပါးကို ကျင့်ကြံခဲ့ပါတယ်။ ဗုဒ္ဓတ္ထစရိယက ဘုရားဖြစ်ဖို့၊ ဥာတတ္ထစရိယက ဆွေမျိုးတွေကောင်းစားဖို့၊ လောကတ္ထစရိယက အများကောင်းစားဖို့ ကျင့်ခဲ့ပါတယ်။

သာသနာ့ဝန်ထမ်းရဟန်းတော်တွေအနေနဲ့ ဂန္ဓဓူရ စာပေပိဋကတ် ပရိယတ်တာဝန်နဲ့ ၀ိပဿနာဓူရ သီလ၊သမာဓိ၊ပညာ သိက္ခာသုံးရပ် ပဋိပတ်တာဝန် ကျေပွန်အောင်ထမ်းဆောင်ရပါမယ်။ ဒါတွေဟာ ရဟန်းကျင့်စဉ် တစ်ခုပါပဲ။ အဒီအပြင်ကို အဖေတူသားဖြစ်ဖို့အတွက်ဆိုရင် နောက်ထပ်ကျင့်စဉ်နှစ်ခုဖြစ်တဲ့ ဆွေမျိုးတွေကောင်းစား ဖို့နဲ့ အများကောင်းစားဖို့ ကျင့်ရပါမယ်။ ရဟန်းတွေရဲ့ဆွေမျိုးဆိုတာ ရဟန်းဒကာ၊ဒကာမတွေနဲ့ ပစ္စည်းလေးပါး ထောက်ပံ့ကြသူတွေပါပဲ။ ဆွေမျိုးတွေဒုက္ခရောက်ရင်၊ ဆွေမျိုးတွေ စားဝတ်နေရေးကြပ်တည်းနေရင် စောင့်ရှောက် ပေးရမှာ ရဟန်းတွေရဲ့ မလုပ်မဖြစ် ကျင့်စဉ်တွေပါပဲ။ မေတ္တာတွေပို့ပေးရမယ်၊ အနှောင့်အယှက် အခက်အခဲ အဟန့် အတားတွေကို ရှင်းလင်းဖယ်ရှားပေးရမှာ ရဟန်းကျင့်စဉ်တစ်ပါးပါပဲ။

အများဒုက္ခရောက်နေရင်၊ မတရားဖိနှိပ်စော်ကားခံနေရရင် မားမားမတ်မတ်ရှေ့ကရပ်တည်ပေးရမယ်၊ စွန့်လွှတ်အနစ်နာခံပေးရမယ်။ ဒါဟာလည်းရဟန်းကျင့်စဉ်တစ်ပါးပါပဲ။ ဘုရားရှင်လက်ထက်က စ လို့ သာသနာ့ သမိုင်းတလျှောက်မှာ တပည့်သား သာဝကတွေဟာ ရဟန်းကိစ္စ ပြီးပြီး၊ မပြီးပြီး ဒီကျင့်စဉ် ၃ ရပ် လုံးကို ဖြတ်သန်း ကျင့်ဆောင်သွားကြတာ အထင်အရှားတွေ့မြင်နိုင်ပါတယ်။ လေ့လာလေ တွေ့ရှိလေပါပဲ။

တခုတော့ရှိတာပေါ့ဗျာ။ သာသနာဖျက်မင်းတွေရဲ့ အလိုတော်ရိရဟန်းဝတ်တချို့ပဲ မင်းအလိုလိုက် မင်းအကြိုက် ဆောင်ပြီး ဘုရားကိုမျက်နှာလွှဲထားတာတွေလဲတွေ့ရလိမ့်မယ်။ ဘုရားကို မျက်နှာပြောင်တိုက်ပြီး ကျင့်စဉ်တစ်ခုကိုပဲ ဇောင်းပေးပြီး မင်းလိုကျ သံယောင်လိုက်နေကြတာတွေ့မြင်ရပါလိမ့်မယ်။ ရဟန်းအစစ်ဆိုတာကိုသိချင်ရင် ရဟန်း အစစ်တို့ကျင့်ရမယ့် ကျင့်စဉ် ၃ရပ်ကို ပြတ်ပြတ်ထင်ထင်မြင်အောင်ကြည့်ပြီး ကျင့်ကြံနေတဲ့ ရဟန်းအစစ်တွေကို ကြည်ညိုနိုင်ကြပါမယ်။

ရဟန်း စစ် မစစ် ဆိုတာတော့ ကွဲပြားစွာသိနိုင်ကြပါပြီ။ စစ်သား စစ် မစစ် ဆိုတာကိုရော ဝေခွဲကြည့်ကြပါဦး။ ၀န်ထမ်းဆိုတာ ဘယ်လိုလူမျိုးကိုခေါ်လဲ။ ဘယ်သူတွေက လခပေးထားတာလဲ.. ဘာအတွက်လဲ..၊ ဘယ်သူ့အကျိုး ကို ဦးထိပ်ထားရမှာလဲ.. နိုင်ငံတော်ဆိုတာ ဘယ်အရာကို ကိုယ်စားပြုတာလဲ… ဆိုတာကို ခွေးနောက်လိုက်လေးတွေ ဘောချွေးသုတ်လေးတွေ က မသိတာပဲလား၊ သိလျက်နဲ့ မသိချင်ယောင်ဆောင်နေကြ လား။ ဒီသတ္တ၀ါတွေကတော့ အခုဘ၀၊ နောင်ဘ၀ ဘယ်တော့မှ ကောင်းမယ့်သူတွေမဟုတ်ပါဘူး၊ ဒီကြားထဲမှာ တချို့ကလဲ ဖြူသလိုလို၊ မည်းသလိုလိုနဲ့ ခြံစည်းရိုးခွထိုင်နေကြတာတွေရှိသေးတယ်။ ဘုရား၊တရား၊သံဃာ ရတနာသုံးပါးကို စော်ကားထားတဲ့ ငသန်းရွှေနဲ့ နောက်လိုက်တွေရဲ့ အကုသိုလ်ကို ရှယ်ယာဝင်ချင်နေသူတွေ သတိ သာထားကြပေရော့လို့ …….။
(ဆရာ ငါးထန်းရွက် ၏ မှတ်စုများမှ ရည်ညွှန်းကိုးကားပါသည်)

ဆက်ဖတ်ရန်ကျန်သေးသည်...

စိတ်ညစ်တဲ့အထဲမှာ ဒါတွေလဲပါတယ်

ခုနောက်ပိုင်း မောင်ကျည်ပွေ့စာသိပ်မရေးဖြစ်ဘူး။ အကြောင်းကတော့ မရေးတတ်တာရယ်၊ ရေးရပျင်းတာရယ်ကြောင့်ပါပဲ။ အစကတည်းက မောင်ကျည်ပွေ့ဟာ စာကောင်းကောင်းမရေးတတ်ခဲ့ ပါဘူး(ရှရှားရောက် ဆိတ်ဗိုလ်တွေထက်သာတဲ့ သတ်ပုံမှန်ရုံကလေးရေးတတ်ခဲ့ခြင်းသာ)။ စာအစုံဖတ် တဲ့ စာဖတ်သူတစ်ယောက်ပါပဲ။ စာရေးဖြစ်လာတာကလည်း တခါတလေ ပြောချင်လာတဲ့အခါ ဘယ်မှာ ပြောရမှန်းမသိလို့ ကိုယ်ပိုင်နေရာလေးတခုလောက်ရှိသင့်တယ်လို့ထင်ပြီး ဘလော့ဂ်ဖွင့် ရေးဖြစ်ခဲ့တာပါ။ အဲဒီလိုရေးဖြစ်လာတော့ အခြားခြားသော ဘလော်ဂါတွေလိုပဲ အချိန်၊ငွေ ကုန်ပါတယ်၊ မောင်ကျည်ပွေ့က သူများထက်ထူးပြီး ငွေပိုကုန်ပါတယ်။ ဘာကြောင့်လဲဆိုတော့ ကိုယ်ပိုင် ကွန်ပျူတာ၊ အင်တာနက် မရှိတော့ ဆိုင်မှာသွားလုပ်ရလို့ဖြစ်ပါတယ်။

နည်းပညာတွေနဲ့ပတ်သက်ပြီး မောင်ကျည်ပွေ့က ဘာမှနားမလည်ပါဘူး၊ ကွန်ပျူတာဆိုတာကို စကိုင်ဖူးတာလဲမကြာသေးပါဘူး။ ဘိုလိုကလည်းမတတ်တော့ စမ်းတ၀ါးဝါးနဲ့ ရမ်းသန်းလုပ်နေရပါ တယ်။ သူငယ်ချင်းတွေသာ မကူညီရင် ဘလော့ရေးတာဂျိုနဲ့လားလို့ မေးရမလောက်ဖြစ်နေဦးမှာပါပဲ။ မိုင်ဂရန့်လို့ ဘိုလိုခေါ်တဲ့ တောင်ကျော်အလုပ်သမားဖြစ်တဲ့ မောင်ကျည်ပွေ့ဟာ လွန်ခဲ့တဲ့ (၁၀)နှစ် ကျော် လောက်ကတည်းက ထိုင်းကိုရောက်လာပြီး ခေတ်ပြိုင် ဂျာနယ် ရဲ့ကျေးဇူးနဲ့ တိုင်းပြည်ချောက်ထဲမကျအောင် ကယ်တင်ပေးခဲ့တဲ့ တပ်မတော်ရဲ့ကျေးဇူးတွေကို သေချာသိခဲ့ရပါ တယ်။ ကြီးလိုက်တဲ့ကျေးဇူးတွေလေ သူငယ်ချင်းတွေပြောသလို မင်းကျေးဇူးတော့-ီး တောင်မှမမေ့ဘူး ဆိုသလိုပါပဲ။ (ရိုင်းသလိုဖြစ်တာခွင့်လွှတ်ပါ)

မျက်စိပိတ်နားပိတ်ထားတာတွေလေ၊ မောင်ကျည်ပွေ့ ဘန်ကောက်ကို စ ၀င်တော့ စိတ်ထဲမှာ ဟာခနဲ ဟင်ခနဲ တောင်ဖြစ်မိပါတယ်၊ အံ့သြလွန်းလို့ပါ ။ ရွှေပြည်ကြီးမှာနေတုန်းက မဂ္ဂဇင်းတွေ စာစောင်တွေမှာဖတ်ခဲ့ရတာတွေက ထိုင်းဆိုတာ ဖါနိုင်ငံ၊ အာရှကျားလေးကောင်ဖြစ်ပြီးတဲ့နောက် မလေးရှားက ပဉ္စမမြောက်ကျားဖြစ်နေပြီ၊ မြန်မာနဲ့ထိုင်းက ဆဌမမြောက်ကျားဖြစ်ဖို့ ပြိုင်နေကြတယ် လို့ မကြာခဏဖတ်ဖူးနေတော့ ဘန်ကောက်ဆိုတာ ရန်ကုန်နဲ့ သိပ်တော့မကွာလောက်ဘူးလို့ ထင်ထားတာကိုး။ အထူးသဖြင့် သုတစွယ်စုံမဂ္ဂဇင်းက အဲဒီလိုဆောင်းပါးမျိုးတွေရေးတတ်တော့ တကယ်လို့ထင်ထားတာ၊ အင်း… စာဖတ်သူတွေလဲ ဘန်ကောက်ကို ခဏခဏ ရောက်ဖူးနေကြတာပဲ စဉ်းစားသာကြည့်ပေတော့၊ မောင်ကျည်ပွေ့ တအံ့တသြဖြစ်ခဲ့တာ မလွန်လောက်ပါဘူးနော်။

လူတွေကို နားတွေမျက်စိတွေပိတ်ပြီး ဘာမှသိခွင့်မပေးတဲ့အပြင် ခိုးစားလိမ်စားမှ ထမင်းဝတော့မယ့် လူနေမှုစနစ်ဖြစ်သွားအောင် လုပ်ပေးခဲ့တဲ့ နေ၀င်းအစ ငသန်းရွှေအထိ စစ်အာဏာ ရူးကြီးတွေရဲ့လက်ချက်ကြောင့် မြန်မာပြည်ကြီးလည်း သုံးစားမရအောင်ပျက်စီးခဲ့၊ ပျက်စီးဆဲ ဖြစ်နေ ပါပြီ။ ထပ်ပြီးတော့လဲ ပျက်စီးန်ိမ့်ကျဖို့ တာစူနေပါပြီ။ နိုင်ငံရေးသမားဆိုသူတွေရော၊ အတတ်ပညာရှင် အသိပညာရှင်ဆိုသူတွေပါမကျန် တိုင်းပြည်ကြီးကို ဘယ်ပုံဘယ်နည်းနဲ့ အာဏာရူးတွေလက်က လွတ် မြောက်ဖို့ လက်ရှိလှုပ်ရှားနေထိုင်ပုံတွေ ပြင်ဆင်သင့်နေပါပြီ။ ဒီပုံစံအတိုင်းဆက်သွားနေလို့ကတော့ သမိုင်းရဲ့အမည်းစက်တွေထဲမှာ စစ်အာဏာရူးတွေနဲ့အတူ နာမည်ဆိုးနဲ့စာရင်းအသွင်းခံရမှာ သေချာ နေပါတော့တယ်။ ငါတို့ကတော့ လုပ်စားကိုင်စားအဆင်ပြေနေတယ်၊ တို့နဲ့ဘာမှမဆိုင်ဘူးလို့ တွက်နေ ရင် လူယုတ်မာစာရင်းကလည်းလွတ်မှာမဟုတ်ပါဘူး။

အခုဆို စစ်တပ်က ရွေးကောက်ပွဲဝင်မယ့်ပါတီတွေမှတ်ပုံတင်ခိုင်းတော့မယ်။ စစ်တပ်ရဲ့ ကစားကွက်ကို ဒီချုပ်ကဘယ်လိုရင်ဆိုင်ကြဦးမလဲမသိဘူး။ ရွေးကောက်ပွဲဝင်ဖို့ စားရင်းသွင်းမိပြန်ရင် ၉၀ရလာဒ်ကို မိမိဖါသာပယ်ဖျက်သလိုဖြစ်နေပြီး ၊ ရွေးကောက်ပွဲမ၀င်ရင်လည်း ပါတီဖျက်ပေးရတော့ မှာဖြစ်ပါတယ်။ အတိုက်အခံဆရာကြီးတွေကသာ သူတလူငါတမင်းလုပ်နေတာ၊ စစ်တပ်ကတော့ သူတို့အာဏာတည်မြဲဖို့ တိကျတဲ့ပလန်တွေနဲ့ မရ ရအောင် လှုပ်ရှားနေပါတယ်။ ကျွန်တော်တို့တတွေ လဲ လူမှုရေးလိုလို၊ နိုင်ငံရေးလိုလို ယောင်ဝါးဝါးမလုပ်နေတော့ပဲ တိကျတဲ့လမ်းစဉ်နဲ့ တိကျတဲ့လှုပ်ရှား သူတွေ လုပ်ဆောင်ရတော့မှာဖြစ်ပါတယ်။

မီဒီယာနဲ့တိုက်မယ်ဆိုရင်လည်း ထိရောက်အောင်လုပ်၊ ချေမှုန်းဖေါက်ခွဲရေးဆိုရင်လည်း ထိထိ ရောက်ရောက်ဖြစ်အောင်လုပ်ဆောင်ရပါတော့မယ်။ မင်းကရောဘာကောင်လဲ ဘာတွေလုပ်နေလို့ ကြီးကြီးကျယ်ကျယ် အာလာချောင်နေတာလဲလို့ မေးလာရင်တော့ တိုင်းပြည်ကိုချစ်တတ်တဲ့ ရိုးရိုးပြည် သူတစ်ယောက်အနေနဲ့ ပြောခွင့်ရှိတယ်ထင်လို့ ပြောရခြင်းပါလို့ပဲ ပြန်ဖြေပါမယ်။ ဒီနေ့ဒီအချိန်ထိ တိုင်းပြည်ဆန်ကုန်မြေလေးအောင် မလုပ်ဖူးခဲ့တဲ့၊ ပြည်သူ့ဆန်စားပြီး ပြည်သူကိုမစော်ကားဖူးတဲ့ လူတစ်ယောက်ပါပဲ။ ရှေ့ရေးကိုတွေးပြီး ရင်လေးလွန်းလို့ စိတ်ခံစားချက် တပိုင်းတစကို အန်ထုတ်လိုက်ခြင်းပါပဲ။ အကျိုးယုတ်ဖို့ထက် အကျိုးရှိမယ်လို့ထင်တဲ့အတွက် ရေးသားလိုက်ရခြင်း သာဖြစ်ကြောင်းပါခင်ဗျာ..။

ဆက်ဖတ်ရန်ကျန်သေးသည်...

 

©2009 မောင်ကျည်ပွေ့ | Template Blue by TNB