ရင်တထိတ်ထိတ်

ကမ္ဘာ့ဖလားပွဲကတော့ စ ပါပြီ။ ဒီလိုဘောလုံးပွဲတွေ မြိုင်မြိုင်ဆိုင်ဆိုင်ဖြစ်ပြီဆို မောင်ကျည်ပွေ့တို့ ရင်ထိတ်နေရ တော့တယ်။ ဘောလုံးပွဲရဲ့ အရှုံး အနိုင်က ကိုယ်တွေနဲ့ သက်ဆိုင်နေတာကိုး။ ဒီလိုပြောလို့ မောင်ကျည်ပွေ့တို့ ကို ဘောပွဲလောင်းနေလို့လားလို့ ထင်ကြတော့မယ်။ မဟုတ်ရပါဘူးဗျာ။ လောင်းချင်ရင်တောင်မှ ငွေရေးကြေး ရေးက သိပ်အဆင်ပြေတာမဟုတ်ဘူး။ အဲ..တချို့တွေကတော့ လောင်းတာပြုတာ တွေရှိကြပါရဲ့။ သို့သော်.. အဲလိုလောင်းတာပြုတာတွေလုပ်နိုင်ကြသူတွေက ငွေရွှင်တဲ့ ပွဲစားတွေကအများစုပါ။ ရိုးရိုးအလုပ်သမားတွေက တော့ ဘယ်ကလာ လောင်းတာတွေဘာတွေလုပ်နိုင်မှာလဲ။ အဲလိုဘောပွဲမလောင်းကြပေမဲ့ ရတတ်သမျှအချိန် လေးမှာ ဘောပွဲကြည့်ရင်း အပေါ်အသင်းတွေနိုင်ကြပါစေလို့ ဆုတောင်းပေးနေရတယ်။ ဒီလိုဗျာ.. အပေါ်သင်း ဆိုတာက လူကြိုက်များတဲ့အသင်းတွေကိုပြောတာပါ။ လူကြိုက်များပြီဆိုတော့မှ ထိုင်းပုလိပ်တွေလည်း ကြိုက် ကြတာပေါ့လေ။ အဲဒီတော့ ထိုင်းပုလိပ်တွေ ကြိုက်ကြတဲ့အသင်းတွေနိုင်ကြရင် ကျုပ်တို့အလုပ်သမားတွေလည်း နည်းနည်းအေးအေးဆေးဆေးနေနိုင်ကြတယ်။ အဲ..သူတို့ကြိုက်တဲ့အသင်များရှုံးလို့ကတော့ ဘောပွဲပြီးလို့ မိုးလင်းတဲ့အထိတောင် မစောင့်တော့ဘူး။ မနက်လေးနာရီခွဲလောက်ကတည်းက စပြီး မြန်မာအလုပ်သမား တွေနေတဲ့ရပ်ကွက်ထဲ လိုက်လှည့်ပြီး ဖမ်းတော့တာပေါ့ဗျာ။ လက်မှတ်ရှိတာတွေမရှိတာတွေ သူတို့စိတ်မ၀င်စား ပါဘူးဗျာ။ အဓိကက ပိုက်ဆံရဖို့ပဲဟာ.. ဒီတော့ အခန်းထဲဝင်လာ၊ လက်မှတ်ရှိလားမေးလိမ့်မယ်၊ ရှိတယ်ဆိုရင် အခန်းမှာ ဟိုမွှေဒီမွှေလုပ်လိမ့်မယ်။ မှတ်စုစာအုပ်တွေ၊ ဖုန်းနံပါတ်တွေမှတ်ထားတဲ့စာအုပ်တွေဆို သူတို့သိပ် ကြိုက်ပေါ့ဗျာ။ အဲဒီထဲမှာ ဂဏန်းတွေရေးထားတာတွေကို သူတို့က တရားမ၀င်ချဲထိုးပါတယ်ဆိုပြီး ဖမ်းခေါ်သွား ရောဗျ။ မဟုတ်ပါဘူးငြင်းလဲ အပိုပဲလေ။ တခါတလေများ အခန်းထဲမှာ ဘာစာရွက်မှမရှိရင်တောင် ချဲဘောက် ချာကို သူ့ဟာသူယူလာ ကိုယ့်ဟာဆိုပြီးတောင်ဖမ်းတာပဲ။ အဲဒီတော့ ပြန်လွတ်ချင်ရင်ဈေးဆစ် အပေးအယူလုပ် ပေါ့။ ပုလိပ်ကတော့ ဘတ်တစ်သောင်းခွဲ၊နှစ်သောင်းကနေ စပြီးဈေးခေါ်လိမ့်မယ်။ ကိုယ်က ရသလောက်ဆစ် ပေါ့။ အများအားဖြင့် ဘတ်ခြောက်ထောင်၊ခုနစ်ထောင်လောက်နဲ့ တည့်သွားတာများတယ်။ သူလည်း လူစဉ် ကြည့်တာပါပဲ။ သိပ်ကြောက်နေတဲ့သူ၊ ကြောက်တတ်တဲ့သူတွေကတော့ များများပေးရတာပေါ့။ တချို့တွေက တော့ ခပ်မာမာပဲ ဖမ်းချင်ဖမ်း၊ ပြန်ပို့ချင်ပို့ တရားရုံးလည်းတက်မယ်ဘာမယ်နဲ့ သူ့ကိုပြန်မာရင်တော့ ဘတ် သုံးထောင်လောက်အထိ လျှော့ပေးတာ တွေ့ဖူးပါတယ်။ အလုပ်သမားအများစုကတော့ ကြောက်ကြတာ၊ မရှုပ်ချင်ကြတာတွေများတော့ ဈေးနဲနဲပါးပါးဆစ်ပြီး ပေးလိုက်တာပါပဲ။ ဒါကြောင့်ပြောပါတယ် ဘောလုံးပွဲတွေ လာပြီဆို ရင်တထိတ်ထိတ်နဲ့ ဆုတောင်းပေးနေရတယ်။ အပေါ်အသင်းတွေနိုင်ကြပါစေ..ဆိုပြီးတော့ အဲ... အပေါ်အသင်းတွေရှုံးကြပြီလားဆိုရင် ကိုယ့်အခန်းထဲမှာ ဘုရားစဉ်ကအစ ဗီဒိုတွေဘာတွေအဆုံး စာရွက်တွေ စက္ကူစတွေကို ရှင်းထားပေတော့...။ သတိလွတ်ရင်တော့ လက်ထိတ်ခတ်ပြီး ခေါ်သွားခံလည်းထိမယ်၊ ရှိစုမဲ့စု လေးလည်း ကုန်ကြရဦးမှာဆိုတော့ ..... ရင်တထိတ်ထိတ်...ရင်တထိတ်ထိတ်နဲ့ ပါပဲဗျာ.......

ဆက်ဖတ်ရန်ကျန်သေးသည်...

အမှတ်တရ

သူ့ကိုစတွေ့စဉ်က အမှတ်တမဲ့သာဖြစ်သည်။ သေချာပင်သတိမထားမိခဲ့၊ သူငယ်ချင်းတစ် ယောက်ကမိတ်ဆက်ပေးခဲ့၍ သိကျွမ်းရသည့်တိုင် ဖါသိဖါသာပင်နေခဲ့မိသည်။ သို့သော် နောက်ပိုင်းတွင် မြင်ရတွေ့ရဖန်များလာသည့်အခါ စိတ်ဝင်စားမှုဖြစ်လာသည်။ ထို့နောက် သူ့ဆီသို့ အသွားအလာများလာသည်။ အပေါင်းအသင်း၊ မိတ်ဆွေနည်းသောမိမိအဖို့ သူ သည် မိတ်ဆွေကောင်းသဖွယ်ဖြစ်လာသည်။ နှုတ်ဆက်စကားပြောရင်း အတွေးအမြင် ဖလှယ်ရင်း သူနှင့်ပတ်သက်၍ မိမိမှာ မိတ်ဆွေအသစ်များပင်ထပ်၍တိုးလာသည်။ ထို့နောက်တွင် သူနှင့် ထဲထဲဝင်ဝင် ပတ်သက်မိတော့သည်။


သူ့ကြောင့်မိမိမှာ စိတ်ကြည်နူးခဲ့ရသလို စိတ်မကောင်းဖြစ်စရာများလည်းကြုံခဲ့ရသည်။ တစ်ခါတစ်ရံ ဒေါသပေါက်ကွဲမိသလို၊ ပျော်ရွှင်စရာများနှင့်လည်းဆုံခဲ့ရသည်။ သူ့ဆီကတ ဆင့် ထူးဆန်းအံ့သြစရာများကိုလည်းကြားတတ်ရသလို သင်ခန်းစာဖြစ်ဖွယ်၊ အတုယူဖွယ် တို့ကိုလည်း မှတ်သားခဲ့ရသည်။ မိမိ၏အချိန်များစွာကို သူကစိုးမိုးစပြုလာခဲ့သည်။ အချိန်တော်တော်များများ သူနှင့်ပတ်သက်ရာပတ်သက်ကြောင်းများကိုသာ တွေးနေ မိတော့သည်။ အမှန်တော့ မိမိ၏အနေအထားမှာ သူနှင့်နီးစပ်မှုသိပ်မရှိ၊ အရိုးခံဖြစ်သော မိမိအဖို့ ဆန်းပြားလှသောသူ့အသိုင်းအ၀ိုင်းတွင် ၀င်ဆန့်ရန်မလွယ်။ သို့သော် သူ့မှာ ခွဲခြားဆက်ဆံတတ်သောအလေ့ ရှိပုံမရ။ မိမိ၏ အဆီအငေါ်မတည့်သည့် စကားများ၊ ကြမ်းတမ်းရိုင်းစိုင်းသည့်စကားများကိုလည်း မငြင်းဆန်ခဲ့။

သူ့အပေါ်စွဲလမ်းတွယ်တာမှုသည် နေ့စဉ်တိုးပွါးလာခဲ့သည်။ သူ့ဆီမရောက်ဖြစ်သည့်နေ့မျိုး တွင် ဟာတာတာနှင့် နေမထိထိုင်မထိ၊ ဤသို့ဖြင့် နေ့ရက်များစွာတို့ကုန်လွန်သွားသည့် နောက်တွင် သူနှင့်ဆက်ဆံရေးမှာ ယခင်ကလိုမဟုတ်ပဲ ပြတ်တောင်းပြတ်တောင်းဖြစ်လာ ခဲ့သည်။ အဓိက မိမိကိုယ်တိုင်က သူ့ဆီသိပ်မရောက်ဖြစ်တော့။ ပြောနေသည့်စကားများ က အက်ကြောင်းထပ်နေသဖြင့် မိမိကိုယ်တိုင်ပင် ငြီးငွေ့သလိုဖြစ်လာသည်။ ခါတိုင်း တစ်နေ့မမြင်ရလျှင် စိတ်ထဲဟာသလိုရှိနေရာမှ နောက်ပိုင်း လနှင့်ချီ၍ သူ့ထံအ၀င် အထွက်ပင် မလုပ်ဖြစ်တော့ပေ။ ကိုယ့်ကို လာနှုတ်ဆက်သောမိတ်ဆွေများကိုလည်း တုန့်ပြန်စကားမဆိုမိသည့်အကြိမ်များလာသည်။ မိမိ၏လျော့တိလျော့ရဲနိုင်မှုကို မိမိဖါသာ ပင် စိတ်ပျက်မိသည်။ သူနှင့်ဆက်ဆံနေမှုကို အပြတ်ဖြတ်ပြစ်ရန်စဉ်းစားမိသော်လည်း တွယ်တာမိသည် သံယောဇဉ်က ကျွံနေခဲ့ပြီဖြစ်သည်။

သြော်..... ဘလော့ ဘလော့ ဘာလိုလိုနဲ့ နှစ်နှစ်တောင် ပြည့်ခဲ့ပြီပဲ။ ကဘောက်တိ ကဘောက်ချာ ပြတ်တောင်းပြတ်တောင်း စာတွေရေးရင်းနဲ့၊ စိတ်အစာကျွေးရင်းနဲ့...........ဘာပဲဖြစ်ဖြစ် ဘလော့ဖွင့်၊ရေးခဲ့သည့်အတွက် အဖိုးမဖြတ်နိုင်သော မိတ်ဆွေများ၊ညီအစ်ကို များနှင့် အသိအကျွမ်းဖြစ်ရသည်က မိမိအတွက် ကျေနပ်စရာပင်။ ဘလော့ကိုအမှီပြုပြီး အတွေးအမြင်များကို ပြောဆိုဖလှယ်နေရခြင်းသည်လည်း တစ်စုံတစ်ခုသော အတိုင်း အတာ အကျိုးရှိမည်ဟု ယုံကြည်နေမိသည်။ ဘလော့လောက၏ ယဉ်ကျေးမှုဓလေ့ထုံး စံကို ဒရွတ်တိုက်လွင့်မျောရင်း ဘလော့လောကထဲ ဆက်လက်စီးမျောနိုင်ဖို့ ကြိုးစားသွား ဦးမည်ဖြစ်ပါသည်။ လူရိုင်းလေးတစ်ယောက်ကို အားပေးဆက်သွယ်ခဲ့သော မိတ်ဆွေများ ကို လေးစားဦးညွတ်ကျေးဇူးတင်ကြောင်းပါခင်ဗျာ...

ဆက်ဖတ်ရန်ကျန်သေးသည်...

ဆုပ်လဲစူး စားလဲရူး ဘဝများ မယ်



လူထုအသံအွန်လိုင်းဂျာနယ်က ဆောင်းပါးပါခင်ဗျာ။ ထုံးစံအတိုင်း အယ်ဒီတာက သနပ်ခါးလူးပေးထားပါတယ်။
ဒီစာအတွက် အချက်အလက်ကို မိတ်ဆွေတစ်ယောက်ရဲ့မှတ်တမ်းကဆင့်ပွါးကူးယူပြီးရေးဖွဲ့ထားပါတယ်။ ခေါင်းစဉ်ကို အယ်ဒီတာက ပြောင်းထားပေးပါတယ်။ ကျွန်တော်ကတော့ စာရိုက်ရုံလေးလို့ပဲပြောရမလား...
အိမ်နီးချင်း နိုင်ငံများရောက် မြန်မာ အလုပ်သမားတို့ အဖို့တွင် နိုင်ငံသား စီစစ်ခြင်းနှင့် ပတ်စ်ပို့လုပ်ခြင်း ဟူသည်မှာ နားစိမ်းနေသော၊ ဘာမှန်းမသိသော အကြောင်းအရာသစ် ဖြစ်သည်။ ဘာမှ ရေရေရာရာ မသိကြ၊ သိစေရန် အတွက်လည်း ထိုင်းအစိုးရ အပါအဝင် မည်သူမှ ရှင်းလင်း ပြောဆိုပေးခြင်း မရှိဟု ဆိုရလောက်အောင် ဖြစ်နေသည်။


မြောက်များလှသော အဆင့် ဆင့်များကို တသန်းခွဲခန့် လူဦးရေက (၇)လတာ အချိန်တို အတွင်း ပြီးအောင် လုပ်ဆောင်ရမည်ဟု အမိန့်ချမှတ် ထားသည့် အပြင် ပြီးအောင် မလုပ်လျှင် ဖမ်းဆီးပြီး မြန်မာပြည် ပြန်ပို့မည် ဟုလည်း ရာဇသံ ပြင်းပြင်းထန်ထန် ပေးထားသည်။ အိမ်နီးချင်း နိုင်ငံများရောက် မြန်မာ အလုပ်သမားတို့မှာ မိမိ အနာဂတ်ကို ဆုံးဖြတ်ရန် အလွန် အရေးကြီးလာပြီ ဖြစ်သည်။ တပြိုင်နက်တည်း တွင်လည်း ကောလဟာလ များက ကျယ်ကျယ်ပြန့်ပြန့် ဖြစ်လာသည်။ ဖမ်းသည်၊ ဆီးသည်၊ အခွန်ကောက်သည်၊ ရထားလမ်းဖေါက်သည်... စသော သတင်းများသည် မြန်မာ အလုပ်သမားများ သာမက မြန်မာပြည်ရှိ မိဘဆွေမျိုးများ ကိုပါ ကူးစက်လောင်ကျွမ်း ပူလောင် စေတော့သည်။ ထို့အတူ ဝန်ဆောင်ခကို အဆမတန် ဈေးကြီးကြီး ယူ၍ စားမည့်၊ ဝါးမည့်၊ ပွဲတော်နွှဲမည့် ခါတော်မီ မုဆိုးတသိုက်သည် ကုမ္ပဏီများ ဖွင့်ကာ ကျားချောင်း ချောင်းလာကြတော့သည်။

ထိုင်းနိုင်ငံရောက် မြန်မာ အလုပ်သမားတို့သည် ကောလဟာလ သတင်းအတွက် ပူပန်ရသည်က တဖက်၊ ပတ်စ်ပို့ မလုပ်လျှင် အဖမ်းခံရပြီး ပြန်ပို့မည် ဆိုသည်ကတဖက်၊ ပတ်စ်ပို့ လုပ်လျှင်လည်း ဈေးကြီးကြီး ပေးရဦးမည် ဆိုသည်က တဖက်နှင့် ဗျာများ နေရပြီဖြစ်သည်။ ပတ်စ်ပို့ လုပ်မည်ဆိုလျှင် မြန်မာဖက်က စာအုပ်ဖိုး ကျပ်၃ထောင်(ဘတ်၁၀၀ခန့်) နှင့် ထိုင်းက ဗီဇာကြေး ဘတ်၅၀၀ (မူလက ဘတ်၂၀၀၀ သတ်မှတ် ထားသော်လည်း ပြန်လျှော့ပေးသည်) စုစုပေါင်း ဘတ်၆၀၀ ခန့်သာ ကုန်ကျမည် ဖြစ်သည်။ သို့သော် ကျေးဇူးရှင် ကုမ္ပဏီများက ဘတ် ၅၀၀၀ မှ ဘတ် ၉၀၀၀ ခန့် ယူကြသည်။ ယခုအခါတွင် ၂၀ကျော်ခန့် ရှိနေသော ကုမ္ပဏီကြီးကြီး ငယ်ငယ်တို့သည် နေရာဒေသ မျိုးစုံတွင် ပျံ့နှံ့ နေရာယူလျက် လုပ်ကိုင်နေကြသည်။ ပျှမ်းမျှအားဖြင့် လူတဦးလျှင် ဘတ် ၂၀၀၀ အမြတ်ရသည်ဟု လျော့လျော့တွက် လျှင်ပင် လူတသန်းခွဲ အတွက် ဘတ်သန်း ၃၀၀၀ (မြန်မာငွေ ကျပ်သန်းပေါင်း တစ်သိန်း) ရရှိ ကြမည်ဖြစ်သည်။ ကျွန်ုပ်တို့ မြန်မာ အလုပ်သမားတို့ သွေးနှင့် ချွေးနှင့် ဘဝနှင့်ရင်း၍ ရှာဖွေ စုဆောင်းထားသည့် ထိုထို မြောက်များ လှစွာသော ငွေများသည် လူတစု ကိုယ်ကျိုးအတွက် အကျိုးမဲ့ ပေးဆပ်ရသလို ဖြစ်နေသည်။

ထိုင်း အစိုးရအနေဖြင့် သတင်း အချက်အလက်မှန်ကို ကျယ်ကျယ်ပြန့်ပြန့် ထုတ်ဝေရန် ပျက်ကွက်မှုပေါင်း များစွာ ဖြစ်ခဲ့သည်။ ထို့အတူ ခေါင်းပုံဖြတ် အမြတ်ထုတ်သူ ပွဲစားကုမ္ပဏီ များကိုလည်း အထိန်းချုပ် မရှိသလောက် လွှတ်ပေး ထားခဲ့သည်။ ထိုင်း အစိုးရအဖို့ မြောက်များစွာသော နိုင်ငံရေး ပြဿနာများကို ရင်ဆိုင်ဖြေရှင်း နေရသဖြင့် မြန်မာ အလုပ်သမားတို့၏ အရေးကိစ္စသည် ဦးစားပေး ကိစ္စတွင်မရှိ၊ ဥပမာပြရလျှင် ဇန်နဝါရီလ ၂၀ရက် နေ့တွင် အလုပ် လုပ်ခွင့်လက်မှတ် သက်တမ်းကုန်မည့် အလုပ်သမား ၆သောင်းကျော် ရှိနေသည်။ ထို သူတို့သည် သက်တမ်း တိုးခွင့်မရလျှင် တာဝန်ရှိသူတို့က စစ်ဆေးတွေ့ရှိလျှင် ဖမ်းဆီးပြီး မြန်မာပြည် ပြန်ပို့ခံရမည့် ကိန်းဆိုက်နေသည်။ ထို့အတူ လာမည့် ဖေဖေါ်ဝါရီ ၂၈ရက် တွင် ကျန်သော အုပ်စုများ ကလည်း တပြိုင်နက်တည်း သက်တမ်း ကုန်ဦးမည်။ မူလက ဖေဖေါ်ဝါရီ ၂၈ရက် အပြီး ပတ်စ်ပို့လုပ်ရမည်၊ မလုပ်ရသေးသူများ ပြန်ပို့မည်ဟု ကြေငြာထားသည်။

သို့ဆိုလျှင် အထက်က ဆိုခဲ့သော ဇန်နဝါရီ ၂၀ရက်နေ့တွင် သက်တမ်းကုန်မည့် သူများသည် အခက် တွေ့နေရသည်။ ပတ်စ်ပို လုပ်ရန်လည်းမမီ သက်တမ်းကလည်း ကုန်တော့မည် ဘာဆက် လုပ်ရမှန်းမသိ ဖြစ်နေသည်။ ဇန်နဝါရီလ ၁၉ရက် နေ့တွင်မှ ဝန်ကြီးများ အစည်းအဝေး သဘောတူညီချက်ဖြင့် ထပ်မံ သက်တမ်း တိုးနိုင်ကြောင်း ပတ်စ်ပို့လုပ်ရန် ကာလကို နောက်ထပ် ၂နှစ်အထိ အချိန်တိုးပေးကြောင်း ကြေငြာသည်။ အလုပ်ရှင် ပြောင်းခွင့်မရှိ ဟူသောအချက်က ထပ်မံ အဆစ် တိုးလာသည်။ ထိုအချက်ကြောင့် အလုပ်သမားပေါင်း များစွာ ဒုက္ခရောက်ကြဦးမည် ဖြစ်သည်။

ပုံမှန်အားဖြင့် အနည်းဆုံး တလ ကြိုတင် ကြေငြာရမည်ကို တရက်အလိုမှ ကပ်၍ကြေငြာခြင်း ဖြစ်သည်။ နဂိုရ် ကတည်းက မြန်မာ အလုပ်သမားတို့သည် သတင်း အချက်လက်အမှန်ကို လက်ခံသိရှိ နားလည်ခြင်း တို့၌ အားနည်းနေသည်။ ယနေ့ ထက်တိုင်အောင်လည်း မိမိကိုင်ထားသော လက်မှတ်သည် မည်သည့် အကျိုးကိုရရှိ သည်၊ မည်သည်တို့က မရ၊ မည်သည့် အခွင့်အရေးများရှိသည် စသော အရေးကြီးသည့် အချက်များကို ကောင်းစွာ သဘောပေါက် နားလည်ထားခြင်း မရှိပေ။ ထို့အတူ ပတ်စ်ပို့ ရလျှင်လည်း မည်သည့် အကျိုးအမြတ် ခံစားရသည်၊ မည်သည့် အချက်များကို လိုက်နာ ဆောင်ရွက်ရမည် စသည်ဖြင့် ကွဲကွဲပြားပြား နားလည်ထားခြင်း မရှိ။ ယုတ်အစွဆုံး ယခုလက်ရှိ ပတ်စ်ပို့ ရရှိထားပြီး သူများပင် သေချာ နားမလည်သေးပေ။ မြန်မာ အလုပ်သမားများ နားမလည် ဖြစ်လေ ထိုအချက်ကို အခွင့်ကောင်းယူ အမြတ်ထုတ်မည့် သူများက သဘောကျဖြစ်လေ မြန်မာ အလုပ်သမားများ နစ်နာပြီးရင်း နစ်နာလေ ဖြစ်နေတော့သည်။

မြန်မာ အလုပ်သမားများသည် ယခင်က အလုပ် လုပ်ခွင့်လက်မှတ် လုပ်ရာတွင် အစိုးရက သတ်မှတ်သည့် ဘတ်၃၈၀၀ ဈေးနှုန်းအတိုင်း ကုန်ကျသည့် သူက နည်းပါးသည်။ အများစုဖြစ်သော ၈၀% ခန့်သော အလုပ်သမား တို့သည် ဘတ်၄၅၀၀ မှ ၇၅၀၀ခန့် အထိ အလုပ်ရှင်နှင့် ပွဲစားတို့က ဖြတ်စားခြင်းကို ခံခဲ့နေရပြီး ဖြစ်သည်။ ယခုအခါ တွင် အလုပ် လုပ်ခွင့် လက်မှတ်ဖိုး ကလည်း ဘတ်၄၅၀၀ မှ ၇၅၀၀ လောက် အထိ ကုန်ကျဦးမည့် အပြင် နောက်ထပ်လည်း ပတ်စ်ပို့ဖိုး အဖြစ် ဘတ်၆၅၀၀ မှ ၈၅၀၀ခန့် အထိ ထပ်မံ ကုန်ကျဦးမည် ဖြစ်သည်။ အထူးသဖြင့် ဘတ်၆၀၀ ခန့်သာကုန်မည့် ပတ်စ်ပို့ကို ဘတ်၆၅၀၀ မှ ၈၅၀၀ အထိ ပေးဆောင် နေရသော မြန်မာ အလုပ်သမားတို့ ထိချက်နာလှသည်ဟု ဆိုရမည်ပင်။ ကျောမွဲ အလုပ်သမား တို့သည် ထိုင်း၊ မြန်မာ ပွဲစားတို့၏ အဆင့်ဆင့်ခေါင်းပုံ ဖြတ်မှုများကို ခံရဦးမည်သာမက အလုပ်ရှင်တို့၏ ဖိနှိပ်မှုမျိုးစုံ တို့ကိုလည်း လည်စင်း ခံကြရမည် ဖြစ်သည်။

အမှန်စင်စစ် ထိုင်းနိုင်ငံတွင် မြန်မာ အလုပ်သမားအရေးကို ဆောင်ရွက်နေသော အန်ဂျီအိုများ များစွာရှိသည်။ နိုင်ငံတကာ အန်ဂျီအို အစ၊ ပြည်တွင်း အန်ဂျီအို အလယ်၊ ဘုစုခရု ရောင်စုံအခွင့်အရေး အဖွဲ့ အဆုံး ရာနှင့်ချီသော အန်ဂျီအိုများစွာ များစွာရှိနေသည်။ ထိုထိုသော အဖွဲ့များသည် တနှစ် တနှစ်တွင် အလုပ်သမား အရေးကို အကြောင်းပြု၍ သန်းပေါင်း များစွာသော ဘတ်ဂျက်ကို ရရှိသုံးစွဲ နေကြသည်။ ထို့အတူ မြန်မာဘာသာ၊ တိုင်းရင်းသား ဘာသာ၊ ဘာသာမျိုးစုံ ထုတ်လွှင့်နေသော မီဒီယာ မျိုးစုံလည်း ရှိနေသည်။ သို့သော် အဆိုပါ အန်ဂျီအိုများ၊ မီဒီယာများသည် မြန်မာ အလုပ်သမား တို့အတွက် အလွန်အရေးကြီးသော ကာလတွင် မှန်ကန်စွာ အကူအညီ အထောက်အကူ မပေးနိုင်၊ ထို့ထက်ဆိုးသည်မှာ အချို့သော သူများက အလုပ်သမားများ ကြောက်လန့်စေရန် ဖမ်းနေပြီ၊ ဆီးနေပြီ စသောသတင်း၊ ကောလဟာလများကို အဆင်ခြင်မဲ့ ထုတ်လွှင့်ကြသည်။ အကျိုးဆက်အဖြစ် အရေအတွက် မနည်းလှသော အလုပ်သမားများ အထုပ်ကောက်၍ မြန်မာပြည် ပြန်ကြသည်။

သို့သော် မြန်မာပြည်တွင်လည်း ကြာရှည် မရပ်တည်နိုင်သဖြင့် နောက်ဆုံးတွင် ထိုင်းနိုင်ငံအတွင်း ခိုးလမ်းက တဆင့် ဈေးကြီးပေးပြီး ပြန်လာရ ပြန်သည်။ ထိုအတွက် ငွေးကြေးများစွာ ကုန်ကျသည့် အပြင် တချို့ အသက် အန္တရာယ်ဖြင့်ပင် ရင်ဆိုင်ကြရသည်။ ထိုအတွက် မည်သူကမှ တာဝန်ယူသူ မရှိကြပေ။ မြန်မာ အလုပ်သမား များသည် အခြေအနေ အရပ်ရပ်တို့၌ နိမ့်ပါး နေကြသူများသာ ဖြစ်ကြသည်။ လတ်တလော အဆင်ပြေရေး အတွက် မသိခြင်း၊နားမလည်ခြင်း များထဲတွင် ရုန်းကန်လှုပ်ရှား နေကြရသည်။ အားနည်းချက်ကို အခွင့်ကောင်းယူ၍ သွေးစုပ်၊ အမြတ်ထုတ်မည့် သူများကလည်း နေရာမျိုးစုံမှ ဖိနှိပ်နေကြသည်။ ငွေကြေးအရ သော်လည်းကောင်း ဥပဒေစည်းမျဉ်း များဖြင့်လည်းကောင်း ကျေးကျွန်အဖြစ် တဖန် သွတ်သွင်းခြင်းကို ကျရောက်ကြရ တော့မည်ဟု ဆိုလျှင် လွန်အံ့မထင်။

အိမ်နီးချင်း နိုင်ငံရောက် မြန်မာရွှေ့ပြောင်း အလုပ်သမားများ၏ ဆုပ်လည်းစူး စားလည်းရူး ဘဝများစွာအား အိပ်မက်ဆိုးများမှ ရုန်းထွက်လွတ်မြောက် နိုင်ကြပါစေဟူ၍ ရေရွတ် မြည်တမ်းနေယုံမှ တပါး ......... အခြား မရှိပေ။

ဆက်ဖတ်ရန်ကျန်သေးသည်...

ဒွိဟများကြားမှ တောကြောင်လက်ခမောင်းခတ်သံများ ၁

လူထုအသံ အွန်လိုင်းဂျာနယ်က ဖေါ်ပြပေးတဲ့ စာတစ်ပုဒ်ပါ။ ထုံးစံအတိုင်း ကျွန်တော်ရေးထားတာကို အယ်ဒီတာက ပြင်ဆင်ဖြည့်စွက်ပြီး ခေါင်းစဉ်ကိုလဲ ဆီလျော်အောင် လုပ်ထားပေးပါတယ်။ အလုပ်သမားတို့ရဲ့အခြေအနေ တစိတ်တပိုင်းပါခင်ဗျာ။

ထိုင်းနိုင်ငံ ထဲ၌ အလုပ် လုပ်နေကြသော မြန်မာ ရွှေ့ပြောင်း အလုပ်သမားများ ထဲတွင် ထိုင်းအစိုးရ က အလုပ် လုပ်ခွင့် လက်မှတ်ထုတ်ပေး ထားသူပေါင်း ၁.၄သန်းခန့် ရှိနေသည်။ထိုသူများ ထဲတွင် မြန်မာ နိုင်ငံသား များသည် ၈၀%ခန့် ရှိနေပြီး လော ( လာအို ) နှင့် ကမ်ပူးချား တို့က ၁၀%နှုန်းစီ ရှိနေကြသည်။


ထိုင်းအစိုးရက အလုပ် လုပ်ခွင့် လက်မှတ်ထုတ်ပေး ထားခြင်းသည် ခြွင်းချက် အနေဖြင့် ထုတ်ထားပေးခြင်းသာ ဖြစ်ပြီး တရားဝင် ဖြစ်မှုမှာ အကန့်သတ်များ ရှိနေဆဲ ဖြစ်သည်။ ထပ်မံ ရှင်းလင်းရလျှင် “ထိုင်းနိုင်ငံအတွင်း ခိုးဝင်လာခြင်း အတွက် ထိုသူများသည် ထိုင်းဥပဒေ အရ အပြစ်ရှိနေသည်။ ထိုအပြစ်အတွက် နေရင်းနိုင်ငံသို့ ပြန်လည်ပို့ခြင်းကို ခံရမည် ဖြစ်သည်။

ထိုသို့ပြန်မပို့ခင် စပ်ကြား လျှော့ပေါ့သော အနေဖြင့် ခေတ္တခဏ နေထိုင် အလုပ် လုပ်ခွင့် ပေးထားခြင်းသာ ဖြစ်သည်ဟု အဓိပ္ပါယ် ရသည်။” (ထိုလျှော့ပေါ့မှု ဆိုသည်မှာ ထိုင်းစီးပွါးရေး အကျိုးအမြတ်ကို အခြေခံ၍သာ လျှော့ပေါ့ပေးခြင်းဟု ယူဆနိုင်သည်)

ထိုင်း ဥပဒေအရ နိုင်ငံအတွင်း ခိုးဝင်လာသူကို လျှော့ပေါ့၍ နေထိုင်အလုပ် လုပ်ခွင့်မပေး နိုင်။ ပြဿနာကို ဖြေရှင်းနိုင်ရန် ဝန်ကြီးများ သဘောတူညီချက် ဖြင့်သာ လျှော့ပေါ့ချက်ကို ထုတ်ပြန်နေရသည်။ ထိုအခွင့်အရေးကိုလဲ များများပေး၍ မရသဖြင့် တနှစ် အခွင့်အရေး ပေးရန် တကြိမ် အစည်းအဝေး လုပ်ရသည်။ ထို့ကြောင့် အလုပ်သမားတို့၏ လက်မှတ်ကို တနှစ်တခါ သက်တမ်း တိုးနေရခြင်း ဖြစ်သည်။

ပြီးခဲ့သော ကာလများတွင် ထိုင်းစီးပွါးရေး အတွက် လုပ်သား လိုအပ်ချက်ကို ဖြည့်ဆည်းရန် အကြိမ်ပေါင်းများစွာ လျှော့ပေါ့ခြင်းကို ပြုလုပ်ခဲ့သည်။ တိကျသော ဥပဒေကို အားထားရခြင်း မဟုတ်သည့်အတွက် ထိုပြဿနာကို ဖြေရှင်းရန်နှင့် လုံးဝ တရားဝင်သော အလုပ်သမား ဖြစ်လာရန် နည်းလမ်းရှာဖွေ လာခဲ့ကြ သည်။ ထိုအတွက် အလုပ်သမားတို့၏ မူရင်းနိုင်ငံက တရားဝင်သော အထောက်အထား လိုအပ်နေသည်။ ထို့ကြောင့် နိုင်ငံသား စီစစ်ခြင်းနှင့် ယာယီပတ်စ်ပို့ ပြုလုပ်ခြင်းကို လုပ် ဆောင်ခဲ့ကြခြင်း ဖြစ်သည်။

ထိုင်း နိုင်ငံအနေဖြင့် အလုပ်သမားတို့၏ မူရင်း နိုင်ငံများဖြစ်သော မြန်မာ၊ လော၊ ကမ်ပူးချား နိုင်ငံတို့ကို တရားဝင် အထောက်အထား ထုတ်ပေးဖို့ ညှိနှိုင်းရာတွင် လော နှင့် ကမ်ပူးချား တို့က လွယ်ကူစွာ သဘောတူခဲ့ပြီး အကောင်အထည် ဖေါ်နိုင်ခဲ့သည်။ မြန်မာနိုင်ငံ အတွက်ကား အကြောင်း အမျိုးမျိုးကြောင့် ခက်ခဲစွာ ညှိနှိုင်းခဲ့ရသည်။

နဂိုရ်မူလ ကတည်းက နိုင်ငံရေး၊ လူမျိုးရေး ပြဿနာ များစွာရှိနေသော နိုင်ငံဖြစ်နေသည့် အချက်သည် အဓိက ကျသော အခက်အခဲ ဖြစ်နေသည်။ ထိုင်းနိုင်ငံက နည်းမျိုးစုံသုံး၍ ပြဿနာ ဖြေရှင်းနိုင်ရန် ကြိုးပမ်းခဲ့သည်။ ဥပမာ အားဖြင့် သဘောတူညီချက် ရပြီးသော လော နှင့် ကမ်ပူးချား နိုင်ငံတို့မှ အလုပ်သမား များကို ခေါ်ယူပြီး မြန်မာ အလုပ်သမားတို့၏ နေရာတွင် အစားထိုးနိုင်ရန် ကြိုးပမ်းခဲ့သည်။

သို့သော် လော နှင့် ကမ်ပူးချား အလုပ်သမား များသည် မြန်မာ အလုပ်သမားများ ကဲ့သို့ နေရာမရွေး၊ ပုံစံမရွေး မလုပ်နိုင်။ လုပ်နိုင် ပါကလည်း ထိုင်းငွေ ဘတ်နှစ်သောင်းခွဲခန့် ကုန်ကျသော ပတ်စ်ပို့နှင့်ပါမစ် စားရိတ်ကို မတတ်နိုင်၊ တတ်နိုင်ပါ ကလည်း ထိုနိုင်ငံရှိ လူဦးရေ လုပ်သားဦးရေက ကန့်သတ် ချက်များ ရှိနေသည့်အပြင် ထိုင်းနိုင်ငံ၏ လုပ်အားခက မက်မော လောက်အောင် မမြင့်မား စသော အခက်ခဲများကြောင့် မြန်မာ အလုပ်သမားများ နေရာကို အစားထိုးရန် မဆောင်ရွက်နိုင် ဖြစ်ခဲ့ရသည်။

သို့နှင့် ထိုင်းနိုင်ငံသည် မြန်မာနိုင်ငံနှင့် သဘောတူညီချက် ရရန် သုံးနှစ်ခန့် ကြိုးပမ်း ညှိနှိုင်းခဲ့ရာ နောက်ဆုံး သဘောတူညီချက် အဖြစ် ကော့သောင်း၊ မြဝတီ၊ တာချီလိတ် မြို့များတွင် နိုင်ငံသား စီစစ်ခြင်းနှင့် ယာယီပတ်စ်ပို့ ပြုလုပ်နိုင်မည်ဟု သဘောတူညီချက်ကို ရရှိခဲ့သည်။ အဆိုပါ နိုင်ငံသား စီစစ်ခြင်းနှင့် ယာယီပတ်စ်ပို့ ပြုလုပ်ခွင့်ရမည့် သူများသည် ထိုင်းနိုင်ငံ ဝန်ကြီးများ အစည်းအဝေးက သဘောတူညီချက်ဖြင့် ခေတ္တနေထိုင် အလုပ် လုပ်ခွင့်လက်မှတ် ပြုလုပ်ထားသူ များသာ ဖြစ်သည်။ အလုပ် လုပ်ခွင့်လက်မှတ် မရှိသူများ ယာယီပတ်စ်ပို့ ပြုလုပ် ခွင့်မရှိပေ။ ပြုလုပ်သည့် ကာလကို ၂၀၀၉ ခုနှစ် ဇူလိုင်လ ၁၅ရက်နေ့မှ ၂၀၁၀ ခုနှစ် ဖေဖေါ်ဝါရီလ ၂၈ရက် နေ့ အထိ (၇လခွဲခန့်) သတ်မှတ်ထားသည်။ ပြုလုပ်ပုံ အဆင့်ဆင့်ကိုလည်း ၁၃ဆင့် ခန့် သတ်မှတ် ထားခဲ့သည်။ ထိုသဘောတူညီချက်၊ လုပ်ဆောင်ချက်သည် အပေါ်ယံ အနေအားဖြင့် ကြည့်လျှင် တရားမဝင် အလုပ်သမားကို တရားဝင် အလုပ်သမား ဖြစ်အောင်ပြုလုပ် ပေးသည်ဟု ဆိုရမည် ဖြစ်သည်။ သို့သော်လည်း အသေးစိတ် အတွင်းကျကျ ကြည့်လျှင် အခက်အခဲများစွာ ကွဲလွဲမှု များစွာဖြစ်နေသည့် အပြင် ခေါင်းပုံဖြတ် အမြတ်ထုတ်ချင်သူများ ကို အခွင့်အရေးများ ပေါ်ပေါက်လာအောင် စီမံ ပေးနေသလို ဖြစ်နေခြင်းကို တွေ့မြင်နိုင်သည်။

ဦးစွာ အခြေအနေမှန်နှင့် ကွဲလွဲနေသည့် အချက်မှာ မြန်မာဘက်က ယာယီပတ်စ်ပို့ ပြုလုပ်ပေးခြင်းကို တရက်လျှင် ၆၀၀ ခန့်သာ လုပ်ပေးနိုင်မည်ဟု ဆိုထားပါလျှက် အလုပ်သမား တသန်းကျော် အတွက် ယာယီ နိုင်ငံကူးလက်မှတ် ပြုလုပ်ချိန် (၇လခွဲ)သာ သတ်မှတ်ထားခြင်းမှာ အလွန် စိတ်ဝင်စားစရာ ကောင်းသလို နှစ်နိုင်ငံ စာချုပ်တခုအား မြန်မာ စစ်အစိုးရ မဖြစ်ညစ်ကျယ် ပြုလုပ်သော ကိစ္စရပ်ဖြစ်သည်။ အရှေ့တောင် အာရှ နိုင်ငံဝင် ဖိလစ်ပိုင်နိုင်ငံမှာ နိုင်ငံရပ်ခြား ရွှေ့ပြောင်း အလုပ်သမားများ၏ ဝင်ငွေနှင့် နိုင်ငံတော် ဘဏ္ဍာအား ကျားကန်ထားသည် ဆိုသော အချက်ကို မြန်မာ စစ်အစိုးရ သတိထားမိဟန် မတူ၊ ထို့အတူ လောနှင့် ကမ်ပူးချား နိုင်ငံတို့က အစိုးရများသည် ထိုင်းနိုင်ငံ အတွင်းလာ၍ နိုင်ငံသားများအတွက် ပတ်စ်ပို့ ပြုလုပ်ပေးသော်လည်း သန်းဂဏန်းမျှသော မြန်မာ နိုင်ငံသားများ အဖို့ကမူ ဝေးလံသော နှစ်နိုင်ငံ နယ်စပ်အထိ သွားရောက်ပြီးမှသာ ပတ်စ်ပို့ ပြုလုပ်ရမည် ဖြစ်သည်။

ထို့အတူ အလုပ်ရှင် အများစုကလည်း မြောက်များလှသော အဆင့်များကို နားမလည်ခြင်း၊ နားလည်သည့် တိုင်အောင် အချိန် မပေးနိုင်ခြင်းတို့ ဖြစ်လာကြရသည်။ အလုပ်သမား အများစု မှာလည်း ရုတ်တရက် ပြောင်းလဲသွားသော အခြေအနေတို့ကို လုပ်ငန်းခွင်အတွင်းမှ နားမလည် နိုင်အောင် ဖြစ်ခဲ့ကြရပြီး၊ သို့လော သို့လောနှင့် ကောလဟာလ များကလည်း ရုတ်ချည်း ပျံ့နှံ့နေရာ ထိုင်းနိုင်ငံရောက် မြန်မာ အလုပ်သမားတို့ အဖို့ ဝေခွဲ မရနိုင် ဖြစ်ကြ ရပြန်သည်။

ဤသို့နှင့် ခေတ်သစ် တောကြောင်တို့ ထိုင်းနိုင်ငံ ရွှေ့ပြောင်းအလုပ်သမားများ အကြား လက်ခမောင်း ခတ်သံ များလည်း ကျယ်လောင် ပျံ့နှံ့ လာကြတော့သည်။

ဆက်ဖတ်ရန်ကျန်သေးသည်...

ပြောင်းပြန်စီင်္းမြစ်များ

ပြောင်းပြန်စီင်္းမြစ်များ

သဘာဝမူ
ပူလောင်မှူ၊ ဆာလောင်မှူ
ကျဉ်းကြပ်မှူ၊ အေးချမ်းမှူကို
ငိုခြင်းနဲ့သော်မျှ
ဖော်ပြခွင့်မရကြသည်
အိုင်ဒီပီကလေးများဘဝ
အမေ့ပလိုင်းတွင်း
အကျဉ်းကျနေကြတုန်း။

ရာဇဝတ်သားများစွာ
ထောင်ခါငြိမ်းခွင့်
လွှတ်ခွင့်ပေးနေတဲ့အသံ။
အပြစ်မတန်
စစ်မှန်ဒေါ်စုနဲ့
သူ့ရဲ့သဏ္ဍာန်
နိုင်ငံရေးအဖော်တွေ
သံတိုင်တွေကြား
အကျဉ်းသားဖြစ်နေတုန်း။


အပြစ်မဲ့သူတွေ
အကျဉ်းကျ။
လူသတ်ဓါးပြတွေ
ရွှေထီးဆောင်းကြ။
ဖောက်ပြန်တဲ့လောကဓံထဲ
တောင့်ခံမဲ့အမှန်တရားဘက်တော်သားမှာ
အာဏာရှင်ခြေ
သူ့သွေးတွေနဲ့ဆေးနေရတုန်း။

ဗြောင်းဆန်အောင်
ပြောင်းပြန်စီးမြစ်များ
ပြောင်းပြန်ပျံငှက်များ
ပြောင်းပြန်ဖြစ်တရားများ
ဒုက္ခမြစ်များစီးဆင်းရာ
လိုက်ပါကာစီးမျောနေရတုန်း။

ညီအစ်ကိုတို့ရေ....
ဆာလောင်မှူတွေနောက်
တကောက်ကောက်ပါသွား
လမ်းပျောက်ကာနေကြသူ
ပြည်သူများရဲ့လိုအပ်ချက်
လောကရဲ့လိုအပ်ချက်
ကျုပ်တို့တွေ ဖြည့်စွက်ကြပါစို့လား။ ။


(လင်္ကာဒီပ)


စောကျော်ခွီးဘလော့မှကူးယူဖေါ်ပြသည်။

ဆက်ဖတ်ရန်ကျန်သေးသည်...

တန်ဖိုးနဲ့ရလာဒ်

ဘလော့တွင်စာမရေးဖြစ်သည်မှာ ၃-၄လခန့် ကြာခဲ့ပြီဖြစ်သည်။ အစပိုင်းတွင် သူငယ်ချင်း ဖြစ်သူ စောကျော်ခွိ က ဘလော့အသက်ဝင်စေရန် ကဗျာ၊ဓါတ်ပုံ စသည်တို့ကို လာလာ ထည့်ပေးနေခဲ့သည်။ ထို့အတူ မိတ်ဆွေများကလည်း စာဖြင့်တမျိုး စီဘောက်တွင်တသွယ် လာရောက် သတိပေးသည်။

နောက်ဆုံးတော့ အားလုံးကလက်လျော့လိုက်ဟန်ရှိသည်။ တကူးတက အားပေးသော မိတ်ဆွေများကို လူမှုရေးညံ့သော မောင်ကျည်ပွေ့က တောင်းပန်ပါသည်။ မိတ်ဆွေများ၏ စေတနာအတွက်လည်း ကျေးဇူးတင်ပါသည်။ ၂၀၀၉ ခုနှစ်တွင် မောင်ကျည်ပွေ့အနေဖြင့် စာရေးရန် အလွန်ကောင်းသော အတွေ့အကြုံများ၊ အတွေးအမြင်များ များစွာရသောနှစ်တနှစ်ဖြစ်ခဲ့သည်။


သို့သော်လည်း အကြောင်းကြောင်း ကြောင့် မရေးနိုင်ခဲ့။ တပိုင်းတစနှင့် ရပ်ရပ်ထားခဲ့ရသည်။ နဂိုမူလ ၀ါသနာဖြစ်သော ဘလော့လည်ခြင်း၊ စာဖတ်ခြင်းသာ လုပ်ခဲ့သည်။ ခုတလော သတင်းတချို့ဖတ်မိရချိန်တွင် လွန်စွာ စိတ်မကောင်းဖြစ်မိရသည်။

ထိုသတင်းမှာ လျှိ့ဝှက်ချက်ပေါက်ကြားမှုဖြင့် သေဒဏ်ပေးခံရသော ဗိုလ်မှူးအကြောင်းပင် ဖြစ်သည်။ တကယ်တော့ ထိုမှတ်တမ်းများသည် မြန်မာပြည်သူများထက် နိုင်ငံရေးကို ချိန်ဆ လှုပ်ရှားနေကြသော နိုင်ငံများတွင်သာ အကျိုးရှိသည်ဟု မြင်ပါသည်။ ဥပမာ- ထိုင်း၊ အမေရိကန်၊အိန္ဒိယ၊အနောက်အုပ်စု စသောနိုင်ငံများမှ ထောက်လှမ်းရေးများအတွက်သာ အသုံးဝင်ကောင်း ၀င်နိုင်ပါလိမ့်မည်။

မြန်မာပြည်သူများအတွက်တော့ အတင်းသာသာ သတင်းမျိုးဟု ထင်ပါသည်။ ထိုမှတ်တမ်းများကို အင်တာနက်တွင် လွှင့်တင်လိုက်ခြင်းဖြင့် အကျိုးထက် အပြစ်သာများခဲ့ရပြီဖြစ်သည်။ တကယ်တော့ တပ်ထဲတွင် ခေါင်းဆောင်တစု ကိုစိတ်ပျက်နေသော အရာရှိအရာခံများ များစွာရှိနေပါသည်။ ပြည်သူတို့၏အကျိုးကို လိုလားသော၊ အခွင့်ကောင်းကိုရှာဖွေနေသော ထိုအရာရှိများကို ယခုဖြစ်ရပ်က ဟန့်တား သလိုဖြစ်နေပါပြီ။ ကိုယ့်တုတ်နှင့် ကိုယ့်ကို ပြန်ရိုက်ခြင်းခံလိုက်ရသလို၊ တဖက်တွင်လည်း အချည်းနှီး ပျက်စီးရသည်ဟု မြင်ပါသည်။ နဂိုကတည်းက မယုံချင်စရာများနေသော ပြည်ပ ရောက်အင်အားစုများကို ထပ်မံစည်းတားလိုက်သလို ဖြစ်သွားရသည်။

ကာယကံရှင်နှင့်မိသားစုအတွက် အစားထိုးမရသော ဆုံးရှူံးခြင်းဖြစ်ရပြီး မြန်မာပြည်သူများ အတွက်လည်း ပြည်သူ့ဘက်တော်သားများ ဆုံးရှူံးခဲ့ရပါပြီ။ ရှိပြီးသားသူတွေပင် နောက်တွန့်သွားနိုင်ပါသည်။ ကျွန်ုပ်တို့သည် သင်ခန်းစာပေါင်းများစွာ ရခဲ့သည်ဆိုရာဝယ် တန်ဖိုးကြီးမားစွာ ပေးဆပ်ခဲ့ရသည်ကသာ များချေသည်။ ယခုထက်ပို၍ စနစ်တကျလုပ် ဆောင်နိုင်မှသာ ပြည်သူဘက်တော်သားများကျဆုံးမှု နည်းပါးနိုင်မည်ဟု တွေးမိပါသည်။ ထို့ကြောင့် ယခုကဲ့သို့သောဖြစ်ရပ်များ ထပ်မံမပေါ်ပေါက်စေရန် နှိုင်းနှိုင်းချိန်ချိန်လုပ်သင့် ကြောင်း လက်တို့လိုက်ပါတယ်ခင်ဗျာ။

ဆက်ဖတ်ရန်ကျန်သေးသည်...

 

©2009 မောင်ကျည်ပွေ့ | Template Blue by TNB