အရေးပေါ်အခြေအနေ (၂)

ဆက်ပါဦးမယ်.. ဒီခေတ်မှာ မြန်မာလူမျိုးတွေဟာ နိုင်ငံခြားကို ထွက်နိုင်အောင်နည်းမျိုးစုံနဲ့ ကြိုးစားနေကြပါတယ်။ အလွှာပေါင်းစုံက မြန်မာလူမျိုးတွေဟာ ဇာတိမြေမှာ မနေနိုင်လောက် အောင်ကို ဖြစ်နေကြပါပြီ။ ဒီအဖြစ်အပျက်တွေဟာ ဒီနှစ်ပေါင်း ၂၀ အတွင်းမှာ ဖြစ်ပေါ်ခဲ့ပါ တယ်။ နိုင်ငံအတွင်းမှာ မနေနိုင်ကြတော့တာ ဘာကြောင့်ပါလဲ..။ ရှင်းရှင်းလေးဖြေရရင် လူစဉ် မမီကြတော့လို့ပါ။ ပညာရေးဖက်ကကြည့်မလား၊ ကျန်းမာရေးဖက်ကကြည့်မလား၊ စိတ်ဓါတ် ရေးရာအရကြည့်မလား တိုးတက်လာတယ်ဆိုတာ ဘာမှမရှိပါဘူး။ ဆုတ်ယုတ်နိမ့်ကျခြင်းများ ပဲရှိပါတယ်။

အထူးသဖြင့် စိတ်ပိုင်းဆိုင်ရာနဲ့ပတ်သက်လာရင် အထဲကလူတွေကတော့ စားဝတ်နေရေးက လွဲပြီး ကျန်တာတွေ ဘာမှဂရုမစိုက်နိုင်တော့ပါဘူး။ ကိုယ်ကျင့်သိက္ခာ၊ ပရဟိတ စတဲ့ မြင့်မြတ် ကောင်းမွန်တဲ့ လူတွေမှာသာ ကျင့်သုံးနိုင်တဲ့ တရားတွေဟာ တစစအားနည်း ပျောက်ကွယ် ကုန်ပါပြီ။ ၀န်ထမ်းလောကမျာဆိုရင် ရာထူးကြီးလေ များများခိုးလေဖြစ်နေတဲ့အပြင် မခိုးပဲ ရိုးရိုးလေးနေတဲ့သူဆိုရင် နွားကြီး၊ငတုံးကြီးလို့ ထင်နေကြပါတယ်။ အဲဒီတော့ တနိုင်ငံလုံးမှာ “ဗိုက်ဝဖို့အတွက် ဘာပဲလုပ်လုပ် တရားတယ်” လို့ ယုံကြည်ယူဆလာတာတွေဟာ ကင်ဆာရောဂါလို ပျံ့နှံ့နေပြီဖြစ်ပါတယ်။

အပြင်ရောက်လာတဲ့ လူတွေရော…။ မခိုးကြတာကလွဲရင် ကျန်တာတွေ သိပ်ထူးမခြားနားပါပဲ လို့ ဆိုချင်ပါတယ်။ ဘာကြောင့်လဲဆိုတော့ လက်ရှိခံစားနေရတဲ့ စည်းစိမ်ဥစ္စာတွေ၊ လူနေမှု အဆင့်အတန်းတွေကို သာယာနေကြပြီး နိုင်ငံအတွက်၊လူမျိုးအတွက်ဆိုတာကို မေ့နေကြလို့ ပါပဲ။ တခြားနိုင်ငံသားတစ်ယောက်အနေနဲ့ အဲဒီလိုဖြစ်နေတာ ဘာမှမထူးခြားနေပေမယ့် မြန်မာနိုင်ငံသားတွေ ဒီလိုဖြစ်နေကြတာကတော့ မသင့်လျှော်ဘူးလို့ ထင်ပါတယ်။ မြန်မာနိုင်ငံ ရဲ့အခြေအနေက သူများနိုင်ငံတွေလို တည်ငြိမ်အေးချမ်းမှုမရှိတာကြောင့်ပါပဲ။

တချို့ကလဲ တခါတလေ စိတ်ပါရင် လူမှုရေးလေး၊ ဘာသာရေးလေး ဥပမာ- နာဂစ်အလှူလိုမျိုး တွေ လုပ်ပြီး တာဝန်ကျေပြီလို့ထင်နေတတ်ပါတယ်။ တကယ်က ကျွန်တော်တို့တွေ အဲဒီထက် ပိုပြီး စဉ်ဆက်မပြတ် စည်းလုံးညီညွတ်နိုင်ပါမှ တန်ကာကျမှာပါ။ အဲဒီအပြင် ကိုယ်တိုင်အနစ်နာ မခံချင်တာကို ဟန်ဆောင်ပြီး ဟိုလူဒီလူမကောင်းလို့၊ ဟိုလူဒီလူဦးဆောင်တာတွေ အသုံးမကျ လို့ စသည်ဖြင့် အကြောင်းအမျိုးမျိုးပြ ရှောင်လွှဲပြီး နေသာသလို နေနေကြတာတွေလည်း အများကြီးပါပဲ။

အမြင်မတူမှုတွေ၊ အကြိုက်မတူတာတွေကတော့ အမြဲတမ်းရှိနေကြမှာပါ။ သို့သော်လည်း ကျွန်တော်တို့တွေ ကိုယ့်လမ်းစဉ်ကိုယ်ဆွဲပြီး စွဲစွဲမြဲမြဲ လုပ်ကိုင်သွားကြဖို့ တော်တော်လိုနေပါပြီ။ စစ်ခွေးတွေတော်လို့ ကျွန်တော်တို့ရှူံးနေတာမဟုတ်ပါဘူး၊ ကျွန်တော်တို့ကိုက ညံ့နေသေးလို့ပဲ လို့ ကျွန်တော်ထင်ပါတယ်။ မြန်မာပြည်ကြီးဟာ နွံနစ်နေတာကြာနေပါပြီ၊ ဘာမှမလုပ်ရင် ဘာမှဖြစ်မှာမဟုတ်ပါဘူး။ အထူးသဖြင့် လူလတ်တန်းစားတွေအနေနဲ့ တူရာတူရာတွေစုစည်း ပြီး လမ်းကြောင်းရွေးချယ်၊ စွဲမြဲစွာလုပ်ကိုင်သင့်ကြပါပြီ။

ကြီးကြီးမားမား မစုစည်းနိုင်ရင်လည်း ဘာမှမဖြစ်ပါဘူး။ လေးငါးဆယ်ယောက်လောက်နဲ့လည်း တကယ်တမ်း စွဲမြဲလုပ်မယ်ဆိုရင် အောင်မြင်မှာပါပဲ။ မောင်ကျည်ပွေ့ကတော့ အသေးစိတ် မရေးတော့ပါဘူး။ အထူးပြောချင်တာက ယနေ့မြန်မာပြည်ဟာ ခေတ်အဆက်ဆက်မှာ ဘယ်ခေတ်နဲ့မှ မယှဉ်သာအောင် နိမ့်ကျနေပါပြီ၊ ဒါကြောင့် တိုင်းပြည်ချစ်တဲ့လူတိုင်း တိုင်းပြည်တိုးတက်ဖို့အတွက် ဦးတည်ချက်ခိုင်ခိုင်မာမာနဲ့ စွဲစွဲမြဲမြဲ ပြတ်ပြတ်သားသားလုပ်ကြဖို့ လိုနေပါတယ်…… ဆက်ရန်

ဆက်ဖတ်ရန်ကျန်သေးသည်...

အရေးပေါ်အခြေအနေ(၁)

“၂၀၀၈ မှာ စစ်အာဏာရှင်တွေ ပြုတ်ကျရမယ်” လို့ မောင်ကျည်ပွေ့အပါအ၀င် လူပေါင်းများ စွာတို့ ကြွေးကြော်ခဲ့ကြပါတယ်။ အခုဆိုရင် ၂၀၀၈ ကုန်ဖို့ ၄လပဲကျန်ပါတော့တယ်။ စစ်အာဏာရှင်တွေကတော့ ပြုတ်ကျဖို့နေနေသာသာ နာဂစ်မှာ အချီကြီးပွကုန်ကြပါပြီ။ အင်း.. ဘာပြောရမှန်းတောင် မသိတော့ပါဘူး။ မောင်ကျည်ပွေ့အမြင်ကတော့ ဒီစစ်ခွေးတွေကိုဖြုတ်ချ နိုင်ဖို့ အဓိကဦးဆောင်လှုပ်ရှားသင့်တဲ့သူတွေဟာ ပညာတတ်လူလတ်တန်းစားတွေပဲ လို့ မြင် ပါတယ်။ အခြေခံလူတန်းစားတွေဟာ အများအားဖြင့် စားဝတ်နေရေးကလွဲလို့ ဘာမှမစဉ်းစား နိုင်တော့ဘူး၊ ထို့အတူပဲ ချမ်းသာတဲ့လူတန်းစားကလဲ စည်းစိမ်ဥစ္စာတွေ ဆုံးရှူံးမှာကြောက်လို့ ဘာမှမစွန့်စားချင်ဘူး။ ဒါကတော့ ယေဘူယျအမှန်တရားပဲလို့ မောင်ကျည်ပွေ့အနေနဲ့ ယုံကြည်ပါတယ်။

ကမ္ဘာမှာထင်ရှားတဲ့လှုပ်ရှားမှုတွေ အများစုကို ပညာတတ်လူလတ်တန်းစားတွေ ဦးဆောင်ခဲ့ပါ တယ်။ မြန်မာမှာဆိုရင်လည်း ဗိုလ်ချုပ်အောင်ဆန်းကအစ အခြားထင်ရှားတဲ့ခေါင်းဆောင် အများစုတွေဟာလည်း ပညာတတ်လူလတ်တန်းစားတွေပဲဖြစ်ပါတယ်။ ဒီလိုပဲ အခြားနိုင်ငံတွေ မှာလည်း ခေါင်းဆောင်တွေနဲ့တကွ အခြားဦးဆောင်သူတွေဟာ ပညာတတ်လူလတ်တန်းစား တွေပဲလို့…. မောင်ကျည်ပွေ့ထင်ပါတယ်။ အခုလက်ရှိခေတ် ပညာတတ်လူလတ်တန်းစားတွေ ရဲ့အခြေအနေကို မောင်ကျည်ပွေ့မြင်သလို တင်ပြသွားပါမယ်။

မြန်မာနိုင်ငံလွတ်လပ်ရေးရပြီးနောက်ပိုင်း ပညာတတ်လူတန်းစားတွေရဲ့အခြေအနေဟာ တိုးတက်မှုအပိုင်းမှာပဲ တည်ရှိနေခဲ့ပါတယ်။ တကယ်လို့သာ မြန်မာပြည်မှာ အာဏာသိမ်းမှု မပေါ်ပေါက်ခဲ့ရင် အနည်းဆုံး အာရှထိပ်တန်းနိုင်ငံအဖြစ် မြန်မာနိုင်ငံဟာ ရပ်တည်နိုင်မယ်လို့ ယုံကြည်ပါတယ်။ သို့သော်လည်း အာဏာသိမ်းမှုပေါ်ပေါက်ခဲ့ပြီးတဲ့နောက်ပိုင်း မြန်မာနိုင်ငံရဲ့ အခြေအနေဟာ အရှိန်ကုန်သွားတဲ့ မိုးပျံပူပေါင်းလို တအိအိနဲ့ နိမ့်ဆင်းလာတာ အခုမျက်မှောက်ခေတ်မှာတော့ အဆိုးဝါးဆုံး အထွေထွေနိမ့်ကျမှုတွေနဲ့ ကြုံနေရပါပြီ။ အထူး သဖြင့် လူတွေရဲ့စိတ်ဓါတ်တွေ ဆိုးဆိုးဝါးဝါး နိမ့်ကျသွားတာ ထင်ထင်ရှားရှားဖြစ်နေပါပြီ။ အကျင့်ပျက်ခြစားမှုတွေဟာ ဘာမှမထူးဆန်းတော့သလို ယဉ်ကျေးမှုတရပ်လိုဖြစ်နေပါပြီ။

အရေးကြီးဆုံးအချက်ကတော့ အတွေးအခေါ်တွေကို ဘောင်ခတ်ခြင်းခံထားရတယ်လို့ ပြောချင်ပါတယ်။ အထူးသဖြင့် နိုင်ငံရေးနဲ့ပတ်သက်လာရင် ဒုစရိုက်မှုလိုလို မသမာမှုလိုလို ထင်မြင်လာအောင် ရိုက်သွင်းခြင်းကိုခံနေရတဲ့အပြင် စစ်တပ်ဟာ တိုင်းပြည်ရဲ့ကျေးဇူးရှင် ကယ်တင်ရှင်အဖြစ် ပုံဖေါ်လုပ်ဆောင်ခဲ့/ဆဲ ဖြစ်ပါတယ်။ စစ်တပ်ဟာ တိုင်းပြည်ရဲ့အထူးလူ တန်းစား၊ တိုင်းပြည်ရဲ့အရှင်သခင်လို့ လူငယ်တွေစိတ်ထဲမှာ စွဲနေအောင်လည်း ရိုက်သွင်းခဲ့ပါ တယ်။

မျိုးဆက်တွေကိုပြန်ဆန်းစစ်ကြည့်လိုက်ရင် လက်ရှိအသက် ၂၅ နှစ်အောက်လူငယ်အများစု ဟာ အများအကျိုးသယ်ပိုးမယ့်စိတ်ဓါတ်တွေ တော်တော်နည်းပါးသွားပါပြီ။ ပိုပြီးထိတ်လန့်စရာ ကောင်းတာကတော့ အခွင့်အရေးရဖို့အတွက် ဘာပဲလုပ်ရလုပ်ရဆိုတဲ့စိတ်ဓါတ်တွေ ဖြစ်ပေါ်နေကြတာပါပဲ။ အခုစစ်တပ်ထဲမှာဆိုရင် ဗိုလ်မှူးအဆင့်အထက်လူတွေကတော့ တိုင်း ပြည်ချစ်စိတ်နဲ့ တပ်ထဲဝင်လာတဲ့လူအများစုလို့ ပြောနိုင်ပါသေးတယ်။ သို့သော် အသက် ၃၀ အောက် စစ်ဗိုလ်ကစပြီး ကျန်တာတွေကတော့ တိုင်းပြည်ချစ်လို့ စစ်ထဲဝင်လာတာလို့ပြောရင် အင်မတန်ရယ်စရာကောင်းတဲ့ ဟာသဖြစ်နေတော့မှာပါ။ ၈၈ နောက်ပိုင်းမှာ ပြည်သူတွေ တော်တော်များများက စစ်တပ်ကို မုန်းတီးစက်ဆုပ်ခြင်းတွေဖြစ်ပေါ်လာခဲ့တာ အခုထိတိုင် အောင်ပါပဲ။

အဲဒီကြားထဲမှာမှ စစ်တပ်ထဲဝင်လာတဲ့သူတွေဆိုတာ ရိုးရိုးတပ်သားအဆင့်တွေဆိုရင် ဒုစရိုက်မှုတွေလုပ်ပြီး ပြေးလာတဲ့သူတွေ၊ အတင်းအဓမ္မဆွဲသွင်းခံရသူတွေ၊ မိမနိုင်ဖမနိုင်အိမ် ပြေးလေးတွေအများစုဖြစ်ပါတယ်။ စစ်ဗိုလ်အဆင့်ဆိုရင်လည်း အခွင့်အရေးလိုချင်လို့ဝင်လာ တဲ့ကောင်တွေနဲ့ အလယ်အလတ်တန်း အရာရှိတွေရဲ့ဆွေမျိုးတွေပဲရှိပါတော့တယ်။ နှစ်မျိုးလုံး ဟာ အခွင့်သမားတွေချည်းပါပဲ။ ကဲနောက်ထပ် နှစ်၂၀ ဆိုရင် အဲဒီလိုအခွင့်အရေးသမား တွေရဲ့လက်ထဲမှာ တိုင်းပြည်ကြီးဟာ ဘယ်လိုဆက်ဖြစ်မလဲဆိုတာ စဉ်းစားသာကြည့်ကြပါ တော့…။ ဆက်ရန်..................


ဆက်ဖတ်ရန်ကျန်သေးသည်...

၈၈၈၈ သစ္စာ

ဒီနေ့ဟာ ၈၈၈၈ နှစ်(၂၀) ပြည့်တဲ့နေ့ ၊ ကျဆုံးသွားခဲ့ရတဲ့ သူရဲကောင်းများစွာကို အလေးပြုဦးညွတ်ပါသည်။ ညှင်းပန်းနှိပ်စက်ခံနေရင်း ပေးဆပ်နေဆဲ အာဇာနည်သူရဲကောင်းများကိုလည်းဦးညွတ်ပါသည်။ ဒီနှစ်(၂၀) အတွင်းမှာ အမိနိုင်ငံတော်ကြီးကို ကောင်းမွန်တိုးတက်အောင်မလုပ်နိုင်ခဲ့တဲ့အတွက် ပေးဆပ်သွားခဲ့/ဆဲ အာဇာနည်သူရဲကောင်းများကို တောင်းပန်အပ်ပါသည်။ ထို့ထက်ပို၍ အမိမြန်မာနိုင်ငံတော်တွင်မွန်မြတ်လှသော နိုင်ငံရေးဆိုသည့်စကားလုံးကို ကြောက်မက်ဖွယ်ရာစကားလုံးအဖြစ် မှတ်ယူနေကြသော အလွှာပေါင်းစုံမှ လူတန်းစားများအတွက် အာဇာနည်သူရဲကောင်းများကို မျက်နှာပူမိပါသည်။ အနှစ်(၂၀)အတွင်း နိုင်ငံရေးကို အကြောင်းပြု၍ လုပ်စားနေကြသော မြန်မာနိုင်ငံသားများအတွက် အာဇာနည်သူရဲကောင်းများကို ရှက်ရွံ့မိပါ သည်။ ထို့ထက်ပို၍ ပြည်သူကိုကျေးဇူးသစ္စာစောင့်သိပါမည်ဟု နေ့စဉ်ပါးစပ်ကရွတ်ဆိုပြီး ပြည်သူကို သစ္စာဖေါက်၍ သေခါနီး သက်ကြားအို ပြည်ဖျက်ကိုသာ အမှုတော်ထမ်းရွက်နေသော တပ်မတော်သားအမည်ခံ ငို့ဘသမားများအတွက် အာဇာနည်သူရဲကောင်းအပေါင်းကို ရှက်ရွံ့၊အားနာ၊မျက်နှာပူ ........မိပါသည်။
စစ်ကျွန်ဘ၀သာမက ကမ္ဘာ့ကျွန်အဖြစ်သို့ကျရောက်နေသော မြန်မာနိုင်ငံတော်အတွက် ရင်နင့်အောင်ခံစားရပါ သည်။ ထို့ထက်ပို၍ ကမ္ဘာ့ကျွန်ဖြစ်နေရခြင်းမှ လွတ်မြောက်အောင်ကြိုးစားချင်စိတ်ကင်းမဲ့နေသော (အထူးသဖြင့် ပညာတတ်လူလတ်တန်းစား) ထမင်းဝရင်တော်ပါပြီဟု ခံယူနေသော မြန်မာနိုင်ငံသားများ တိုးပွါး များပြားလာခြင်းအတွက် ရင်နာမိပါသည်။ တနေ့တခြား ပျက်စီးနိမ့်ကျနေသော အမိမြန်မာနိုင်ငံတော်ကြီး၏ အဖြစ်ကို ငေးမောရင်း ရင်နင့်၊ရင်နာ၊အခဲမကျေ............ဖြစ်မိပါသည်။
အို....အာဇာနည်သူရဲကောင်းအပေါင်းတို့ ကျွန်ုပ်တို့နှင့်တကွ ကမ္ဘာသူကမ္ဘာသားအပေါင်းကပါ လေးစားရ လောက်အောင် သင်တို့သည် စွန့်လွှတ်စွန့်စားခဲ့/ဆဲ ဖြစ်ပါသည်။ သင်တို့သည် လူသားတာဝန်သာမက နိုင်ငံသားတာဝန် တို့ကိုပါကျေပွန်ခဲ့/ဆဲ ဖြစ်ပါသည်။ သင်တို့သည် ကြီးမြတ်လှ၊မြင့်မြတ်လှသော သမိုင်းမော်ကွန်းကို ရေးထိုးခဲ့/ဆဲ ဖြစ်ပါသည်။ ကျွန်ုပ်တို့သည်ကား သင်တို့နှင့်ဆန့်ကျင်စွာ ထမင်းတလုတ် အတွက် နိုင်ငံတော်နှင့် ပြည်သူကို သစ္စာဖေါက်နေကြပါသည်။ ကျွန်ုပ်တို့သည်ကား သင်တို့နှင့်ဆန့်ကျင်စွာ လူမျိုးထက် ဆွေမျိုးကိုသာချစ်၍ မပြောပလောက်သောအခွင့်အရေးအတွက် သစ္စာတရားကိုမျက်ကွယ်ပြုနေကြ ပါသည်။ ကျွန်ုပ်တို့သည်ကား သင်တို့နှင့်ဆန့်ကျင်စွာ သမိုင်းကြောင်းကို ကိုယ်ကျင့်တရားကင်မဲ့လျက် အရှက်မရှိသောသူများအဖြစ်ရေးထိုးနေခဲ့/ဆဲ ဖြစ်နေကြပါသည်။ ဤအကြောင်းအရာတို့သည် အမှန်တရားများ၊ သစ္စာတရားများဖြစ်ပါသည်။ နှစ်(၂၀) အတွင်းပေါ်ပေါက်ခဲ့ပါသည်။ ဤမှန်ကန်သော သစ္စာစကားကြောင့်....... ........................................................................................................................................

ဆက်ဖတ်ရန်ကျန်သေးသည်...

 

©2009 မောင်ကျည်ပွေ့ | Template Blue by TNB